Həbsxanada cəza çəkən müğənni ata oldu - FOTO

Həbsxanada cəza çəkən azərbaycanlı məşhur ata oldu. Belə ki, hazırda həbsxanada cəza çəkən "Azəri-star" müsabiqəsindən məşhurlaşan müğənni Emil Rəhmanov ata olub.

Criminal.az 1Xəbər.com-a istinadən bildirir ki, ifaçının oğlu bir neçə ay bundan əvvəl doğulub. Körpəyə Əli adı verilib.

Xatırladaq ki, Emil Rəhmanov Şəbnəm Bədəlova adlı xanımla 2014-cü ilin aprel ayında evlənib.

Emil bu ilin yanvar ayında həbs olunub. Bu, onun ikinci məhkumluğudur.

Emil 2008-ci ildə soyğunçuluq etməkdə təqsirləndirilərək 6 il azadlıqdan məhrum edilmişdi. Emil Rəhmanov əməkdar artist Rəhman Rəhmanovun oğludur.