Azərbaycanlı müğənni qəzaya düşdü

Müğənni Bahar Lətifqızı qəza keçirib.

Qaynarinfo.az bizimyol.info-ya istinadən xəbər verir ki, müğənni bu dəqiqələrdə Sumqayıta, Dünya TV-yə çəkilişə gedərkən qəza keçirib. Müğənni "Ford" markalı avtomobili ilə Dünya TV-də yayımlanan əməkdar artist Mehriban Xanlarovanın aparıcısı olduğu "Sirriniz Qalmasın" verilişinə gecikdiyi üçün maşını sürətlə hərəkət etdirib və qəza baş verib.

Hadisə yerinə bir neçə DYP əməkdaşları gəlib. Bahar Lətifqızının vəziyyətinin pis olduğu və xəsarət aldığı bildirilir.