"Dostlarım deyiblər ki, Məhəbbət yaxşı kişi deyil"

Tanınmış aktyor, rejissor Ramin Hacıyev BiG.AZ-a açıqlamasında maraqlı məqama toxunub.

"Bacanaqlar" serialından Məhəbbət obrazı kimi daha çox məşhurlaşan R.Hacıyev BiG.AZ-a bildirib ki, o heç vaxt həyatda "Məhəbbət" kimi kişi ola bilməz:

"Tamaşaçılar məni Məhəbbət kimi tanıyır. Rejissor olduğumu da çoxları bilmir. Rolum çətin deyil, çünki mən Məhəbbət obrazını yaşayıram. Həmişə deyirəm pis aktyor olmur, pis rejissor olur ki, aktyordan düzgün istifadə edə bilmir. Aktyorun tipi yaratdığı obraza uyğun olmalıdır. Məhəbbət obrazı cavanlıqda qalıb, qızlarla vaxt keçirməyi sevir, yekəxanadır, özünü dartır. Mən həyatda Məhəbbət deyiləm. Məhəbbətin hansısa bir sözünü zarafat kimi istifadə edə bilərəm. Amma Məhəbbət kimi kişi ola bilərəm. Ailədə şən adamam, dostlarım olanda yumor hissini itirmirəm. Ola bilər ki, Məhəbbəti sevməsinlər. Olub ki, dostlarımla oturmuşuq, deyiblər ki, Məhəbbət yaxşı kişi deyil. Amma bu məndə qıcıq yaratmır. Tənqid varsa, deməli ortada iş var. Biz tamaşaçının fikrinə hörmətlə yanaşmalıyıq".

[xfgiven_embed] [/xfgiven_embed] [xfgiven_youtube][/xfgiven_youtube]