Bu xüsusiyyət başqa telefonlarda yoxdur - dünyada ilk + video

“Kyocera” şirkəti dünyada bir ilk olan geniş bucaqlı iki action kameraya sahib smartfonu təqdim edib.

Axşam.az Technote-yə istinadən xəbər verir ki, “Kyocera Duraforce Pro” adlanan yeni smartfonun korpusu toz, palçıq, su və mexaniki xəsarətlərə qarşı qorunma xüsusiyyətinə sahibdir.

Smartfonun korpusu təkcə IP68 deyil, həmçinin 810G hərbi standartı üzrə də qorunma özəlliyinə sahibdir. O, vibrasiya, mexaniki xəsarət, temperatur və təzyiq enmələrinə qarşı dözümlüdür.

Smartfonun texniki göstəriciləri:

- 1920x1080 piksel keyfiyyətli 5 inç Full HD ekran

- 8 nüvəli Qualcomm Snapdragon 617 prosessoru

- 2 GB-lıq RAM və 32 GB-lıq daxili yaddaş

- 135 dərəcə görünüş bucaqlı ikili 13 MP-li action kamera (1080p keyfiyyətli çəkiliş dəstəklənir) və 5 MP-li ön kamera

- 3240 mAh enerji tutumlu batareya (sürətli enerji yığma funksiyası mövcuddur)

Cihaz bu ilin payız fəslində satışa çıxacaq. Onun hansı qiymətə satılacağı isə hələki bilinmir.