AMEA Şəki Regional Elmi Mərkəzinin kollektivi Ulu Öndərin irsinin öyrənilməsinə böyük maraq göstərir

Azərbaycan Milli Elmlər Akademiyası (AMEA) Şəki Regional Elmi Mərkəzi “Heydər Əliyev irsini öyrənirik” tədris kursu çərçivəsində şəhərdəki Heydər Əliyev Mərkəzində növbəti tədbir keçirib.
"KOrrupsiya və Hüquq" qəzetiinə görə AZƏRTAC xəbər verir ki, “Heydər Əliyev kursu öyrənilir” mövzusuna həsr olunan seminarda Mərkəzin əməkdaşları iştirak ediblər.
Seminarda “Heydər Əliyev və müasir Azərbaycan elmi” və “Heydər Əliyev obrazı Azərbaycan poeziyasında” mövzularında məruzələr dinlənilib.
Çıxış edənlər Ümummilli Liderin mənalı həyat yolundan, siyasi fəaliyyətindən, Azərbaycanın müstəqilliyi, bütövlüyü və çiçəklənməsi uğrunda gördüyü nəhəng işlərdən ətraflı bəhs ediblər. Bildirilib ki, xalqın iradəsi ilə yenidən siyasi hakimiyyətə qayıdan Heydər Əliyevin rəhbərliyi altında Azərbaycanda qısa müddətdə siyasi sabitlik bərqərar olunub, ölkəmiz davamlı inkişaf yoluna qədəm qoyub.
Vurğulanıb ki, bu gün xalqımız Ulu Öndərin bizə ərmağan etdiyi Azərbaycan dövlətini, onun işıqlı arzularını, ideyalarını Prezident İlham Əliyevin rəhbərliyi ilə inamla böyük gələcəyə doğru aparır.
Sonda Regional Elmi Mərkəzin rəhbəri Yusif Şükürlü çıxış edərək Ulu Öndərin irsinin öyrənilməsi baxımından belə tədbirlərin əhəmiyyətini xüsusi vurğulayıb