Azərbaycan İdeyası

İlhamə Quliyevanın vəziyyəti ağırdır

Tarix:3-11-2015, 16:00
Baxış Sayı:534

Ötən gün gecə saatlarında vəziyyəti pisləşən xalq artisti İlhamə Quliyeva Mərkəzi Neftçilər xəstəxanasına yerləşdirilib. Bu barədə Lent.az-a xalq artistinin özü məlumat verib. O bildirib ki, səhhəti dünən gecə saatlarından ağırlaşıb: “Dünən gecə başımda güclü ağrılar hiss etdim. Axşam saat 12-dən saat 3-ə qədər burnumdan qan gəlməyə başladı. Dərhal məni Neftçilər xəstəxanasına yerləşdirdilər. Həkimlər qanaxmanı saxlaya bilmirdilər. Güclə qarşısını aldılar. Şəkərim 570-ə qalxmışdı. İndi xəstəxanada məndən analizlər götürürlər ki, bilsinlər, mənə daha hansı həblər verliib. Qulluqçum Mehriban Hüseynovanın başıma açdığı oyunlardan sonra əsəb sistemim çox pozulub. Stress keçirmişəm. Çox pis vəziyyətdəyəm. Orqanizmimə yedizdirdiyi dərmanların fəsadlarını yaşayıram. Səhhətim elə ona görə də pisləşib. Neftçilər xəstəxanasında mənə xüsusi diqqət göstərirlər. Elə buna görə də oranın baş həkimi Leyla Seyidbəyovaya və oranın bütün işçi heyətinə minnətdaram. Ümidim Allahadır. İnanıram ki, yaxşı olacam”.
Xalq artisti daha sonra həbsə olan keçmiş köməkçisi Mehriban Hüseynova barəsində açılmış cinayət işinin istintaqının davam etdiyi söyləyib: “Mehriban Hüseynovanın işinə obyektiv baxmırlar. Düşünürəm ki, bu məsələ kimlərə necə sərf edirsə, elə də baxırlar. Bir neçə adamın bu işdə əlinin olduğunu bilirəm. Onların başında bir xanım durur. Sizin sayt vasitəsi ilə Mehribanın arxasında duran şəxslərə mesaj göndərirəm. Elə bilməyin ki, mən təkəm. Mənim arxamda Allahım, ölkəm, xalqım və böyük insanlarım var. Mehriban Hüseynovanın qızı hər yerdə danışır ki, bir neçə gün sonra anasını azadlığa buraxacaqlar. Xeyir ola? Bir neçə cinayətlə ittiham olunan adam hansı qanunla azadlığa buraxıla bilər? Mənim kimi adamla oyun oynamaq istəyirlər. Ağıllı olsunlar. Onun işi araşdırılır, araşdırılacaq, layiqli cavabını alacaq”.
Xalq artisti İ.Quliyeva onu da əlavə edib ki, köməkçisi M.Hüseynova apelyasiya şikayəti vermək niyyətindədir: “Biz tərəfdən kimisə məhkəməyə dəvət olunmayıb. Mənim nümayəndəm olmadan nə apelyasiya? İşə obyektiv baxmalarını tələb edirəm. Bu işə nəzarət edənlər bütün diqqətlərini Mehribanın əməllərini açan oğlumun dostu Vüqar Bəkirova yönəldiblər. Çünki bütün faktlar, səs yazmalar, videolar Vüqarın əlindədir”.
İ.Quliyeva qeyd edib ki, oğlu Orxan Nadirovu da təqib edirlər: “Oğlum Orxanı da bu işə qatıblar. Xeyir ola? Kimsə maddi maraq güdür? Bu məsələdə maraqlı olmaq istəyən bir qadın var. O qadına demək istəyirəm ki, buynuzun gicişməsin. Özünü yığışdır. Elə faktlarım var ki, onu söyləsəm, bu ölkədən yox olarsan. Oğlumu və onun dostu Vüqarı daim güdürlər. Rahatlıqları yoxdur. Bu yaxınlarda oğlumun maşını da vurublar. Nömrəsiz maşın onu avtomobilini divara sıxıb. Oğlum evimə rahat gedib, gələ bilmir. Xahiş edirəm ki, bu məsləyə hüquqi qiymət verilsin. Çünki bu qadın təkcə mənə yox, neçə-neçə ailələrin başına bu oyunu açıb.
Xalq artisti bildirib ki, müraciət etməyi də lazım bildi: “Mən bir daha Daxili İşlər Nazirliyinə, Bakı şəhər Prokurorluğuna müraciət edirəm. İnanıram ki, onun bu məsələyə obyektiv baxılacaq".

OXŞAR XƏBƏRLƏR
Azərbaycanda narkotik asılılığı olan şəxslərin sayı açıqlandı
Azərbaycanda narkotik asılılığı olan şəxslərin sayı açıqlandı
Sabirabad rayon prokuroru bələdiyyə sədrinin cəddindən qorxur?
Sabirabad rayon prokuroru bələdiyyə sədrinin cəddindən qorxur?
İmişli rayonunda makroiqtisadi göstəricilər yaxşılaşır
İmişli rayonunda makroiqtisadi göstəricilər yaxşılaşır
Keçmiş polis işçisi lisenziyasız aptek işlədir
Keçmiş polis işçisi lisenziyasız aptek işlədir
70 yaşın işığında...
70 yaşın işığında...
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Onun ürəyi xalqıyla döyünür.
Onun ürəyi xalqıyla döyünür.
Xəzər rayon rəhbərliyi I Vitse-Prezidentin göstərişinə məhəl qoymur
Xəzər rayon rəhbərliyi I Vitse-Prezidentin göstərişinə məhəl qoymur