Nazirlik şou-biznesin vergiyə cəlb olunma qaydasını açıqladı

Bir neçə gün əvvəl vergidən yayınan şou-biznes nümayəndələrinin məsuliyyətə cəlb olunacağı ilə bağlı informasıya dərc olunmuşdu. Xəbərdə bildirilirdi ki, Vergilər Nazirliyi digər sahələrdə olduğu kimi şou-biznes sahəsində də vergidən yayınma hallarının qarşısını almaq üçün ciddi tədbirlər həyata keçirməyə hazırlaşır. Artıq bununla bağlı ilk addımlar atılmaqdadır. Nazirliyin rəsmi mətbu orqanı olan “Vergilər” qəzetində şou nümayəndələrinin vergini ödəmə qaydaları, verginin ödənilməyəcəyi haqda nəzərdə tutulan tədbirlər haqda məqalə dərc olunub.