Narkoloji Mərkəzin işçini iki əmrlə bir vəzifədən çıxarma təcrübəsi-FOTO

Bakı şəhəri, Xətai rayonu, gen. Mehmandarov küçəsi, ev 72, mənzil 77 ünvanda yaşayan Əliyeva Cəmilə Arif qızı ərizə ilə “Korrupsiya və Qanun” qəzeti redaksiyasına müraciət edərək, əmək qanunvericiliyinin tələblərinin pozulması ilə müşayiət olunan hüqupozmaya məruz qaldığını bildirmişdir.
Vətəndaş C.Əliyeva yazır ki, 20.12.2021-ci ildə Bakı şəhəri, Sabunçu rayonu, Maştağa qəsəbəsində yerləşən, Səhiyyə Nazirliyinin nəzdindəki Narkoloji Mərkəzdə bufetçi vəzifəsinə işə düzəlibmiş: “10.01.2023-cü ildə dördüncü şöbənin müdiri İsayev Səfiyar bizi – yəni, bufet işçilərini yanına çağıraraq həftənin bazar günü işə çıxmağımızı tələb etdi. Biz buna etiraz etdikdə, “işləmirsinizsə, işdən azad olunmaq barədə ərizənizi yazın” dedi. Mən də işdən azad olunacağım təqdirdə şikayət edəcəyimi bildirdim. Bir ay ərzində heç bir səs çıxmadı. 27.02.2023-cü ildə məni yaşadığım evimdən çağırdılar. Bildirdilər ki, siz bufetdən oğurluq etmisiniz. Bazar günü işləmədiyimiz üçün bizi şərlədiklərini başa düşdüm. Müəssisənin baş həkimi Cəfərov Orxan Rasim oğlu bizi otağılna çağıraraq, oğurluq etdiyimizi, bizi dinləməyəcəyini bildirdi, şərəf və ləyaqətimizi alçaldaraq bizi otaqdan qovdu. Mən ona bildirən də ki, “sizdən şikayət edəcəm” dedi ki, “get, kimə istəyirsən de”.
Şikayətçi yazır ki, onunla müqaviləyə AR Əmək Məcəlləsinin 70-ci maddəsinin “ç” (işçi özünün əmək funksiyasını və ya əmək müqaviləsi üzrə öhdəliklərini yerinə yetirmədikdə, yaxud bu Məcəllənin 72-ci maddəsində sadalanan hallarda əmək vəzifələrini kobud şəkildə pozduqda) bəndinə əsasən 01.03.2023-cü il tarixdə xitam verilib. Bundan sonra Mediasiya Şurasının Bakı 12 saylı Mediasiya Təşkilatına müraciət edib və ilkin mediasiya baxışında ona maddəni dəyişməyi təklif ediblər. O, bu təkliflə razılaşmayıb və bu halda deyiblər ki, “biz səhv etmişik, maddəni dəyişək, əks halda sizi prokurorluğa verəcəyik, başınız ağrıyacaq”.
Problemin ictimailəşdirilməsini redaksiyadan xahiş edən C.Əliyeva həmçinin biuldirmişdir ki, həftənin qeyri-iş günlərində müəssisəyə baxış keçirilsə, orada bir neçə mətbəx işçisinin işə çıxdığının şahidi olmaq mümkündür.
Məsələ burasıdır ki, Narkoloji Mərkəzin rəhbərliyi Səhiyyə Nazirliyinə və Dövlət Əmək Müfəttişliyinə verdiyi məlumatda 27.02.2023-cü il tarixdə keçirilmiş yoxlama nəticəsində xəstəyə məxsus ərzağın Cəmilə Əliyevanın dolabında aşkarlandığını bildirmiş və bunu oğurluq kimi qələmə vermişdir. Halbuki, bu məsələdə xəstənin özünün izahatı alınmamışdır və həmdə aidiyyatı dövlət orqaları məlumatlı idilər.
Maraqlıdır, əgər C.Əliyeva mediatorun vasitəçiliyi ilə qarşı tərəfin barışıq təklifi ilə razılaşsaydı, Narkoloji Mərkəzin rəhbərliyi onun işdən çıxarılma barədə əmrini necə dəyişəcəkdi, əmək kitabçasındakı qeydləri saxtalaşdıracaqdımı?
Mövzuya qayıdacağıq.

https://www.youtube.com/watch?v=b_T0nxvS6OA