Telefonlar bahalaşdı - QİYMƏTLƏR

Manatın dollar qarşısında ikinci dəfə ucuzlaşması onlayn satılan malları da bahalaşdırıb. Milli.Az fins.az-a istinadən bildirir ki, Azərbaycanda ən populyar onlayn satış sistemlərindən biri - elektronika məhsullarının onlayn satışı ilə məşğul olan from.ae saytında qiymətlər dəyişib. Belə ki, burada əvvəllər manatla göstərilən qiymətlər artıq dollarla göstərilir.
Belə ki, bir qədər əvvəl 119 manata satılan "HTC Desire 526G+ Dual Sim 8GB Lacquer Black" telefonu hazırda saytda 177 manata satılır. Cəmi bir həftə əvvəl 341 manata satılan "LG G3 Dual D858HK 32GB LTE Titan" telefonu isə hazırda 278 dollara və ya 431 manata təklif olunur. "iPhone"ların qiymətində daha ciddi artım var. "iPhone 6 16GB Gold" 656 manat olduğu halda, hazırda 603 dollar və ya 934 manat olub.
Həmçinin mobil telefon satışı ilə məşğul olan "Integral Plus" mağazalar şəbəkəsinin rəsmi saytının texniki səbəblərə görə işləmədiyi bildirilir.
"World Telecom" mağazalar şəbəkəsinin saytının da təmirlə əlaqədar bağlanıldığı deyilir.