Ziya Məmmədov Tehrana gedir

Nəqliyyat naziri Ziya Məmmədov dekabrın 23-də Tehrana səfər edəcək.
Korrupsiya və Qanun" saytı Axar.az a istinadən xəbər verir ki, nazir Xəzəryanı ölkələrin nəqliyyat nazirlərinin Tehranda keçiriləcək 3-cü iclasına qatılacaq.
Görüş zamanı nəqliyyatın bütün sahələrində əməkdaşlığın genişləndirilməsi, beynəlxalq və regional dəhlizlərin inkişafı, nəqliyyat üzrə Xəzəryanı ölkələrin imkanları və region ölkələrinin nəqliyyat infrastrukturunun modernləşdirilməsi kimi məsələlər müzakirə ediləcək.
Yekun olaraq “Xəzəryanı ölkələrin nəqliyyat nazirlərinin 3-cü iclasının Bəyanatı”nın qəbul olunması nəzərdə tutulur.