Vəkil Lamiyə ilə görüşdü – “Dedi ki, yalandır...” 06.02.15 | 10:54 | Xəbər 70 dəfə oxunub

Həbsxanada ana olan Lamiyə Quliyeva növbəti dəfə baş verənlər haqda danışıb.


Vəkil Fəxrəddin Mehdiyev “Qafqazinfo”ya açıqlamasında deyib ki, dünən məhkəmədə Lamiyə Quliyeva ilə görüşüb: “Lamiyə ilə danışdıq. Dedi ki, bütün fikirləri əvvəl verdiyi açıqlamaya uyğundur. Yeni və fərqli heç bir şey yoxdur.

Lamiyənin bundan öncə də hamilə qalması haqda deyilənlər yalandır. Lamiyə Vüqar Əliyev barəsində heç bir məlumat verməyib və vermək fikrində də deyil. Amma Vüqarın atasının açıqlamaları məndə təəssüf doğurur”.

F.Mehdiyev qeyd edib ki, Baş Prokurorluq uşağın olması üçün necə şərait yaradılmasını araşdırır.

Qeyd edək ki, dünən Cinayət Məcəlləsinin 317 maddəsinin 2-ci hissəsi əsasında verilən hökmlə bağlı Baş Prokurorluq tərəfindən hökmlə təyin olunan cəzanın çox ağır olması üçün apellyasiya protesti verilib. Protest hökmün dəyişdirilməsi ilə əlaqədar Bakı Apellyasiya Məhkəməsinin Cinayət Kollegiyasına göndərilib.

Buraxılmış müddətin bərpası ilə bağlı da vəsatətə verilib. Həmin vəsatətə dünən Cəzaçəkmə Müəssisəsində hakim Habil Məmmədovun, prokuro Eldar Balakişiyevin, vəkil Fəxrəddin Mehdiyevin və Lamiyə Quliyevanın iştirakı ilə baxılıb və vəsatət təmin edilib. Həmin iş Bakı Apellyasiya Məhkəməsinin Cinayət Kollegiyasına göndərilib”.

Murad Əhməd [xfgiven_embed] [/xfgiven_embed] [xfgiven_youtube][/xfgiven_youtube]