ANS-də maaş qalmaqalı

ANS televiziyasının baş redaktoru Samirə Səfərəliyeva və tanınmış teleaparıcı Elgiz Əkbərin əsl işdən çıxma səbəbi bəlli olub.
"Korrupsiya və Qanun" saytı bildirir ki, Televiziyadakı mənbədən AzVision.az-a verilən məlumata görə, S.Səfərəliyeva öz ərizəsi ilə E.Əkbər isə övladı olduğu üçün fəaliyyətinə fasilə verməyib. Mənbənin məlumatına görə səbəb bir neçə aydır ANS-də maaşların verilməməsidir.
Belə ki, maaşların çox gecikdirilməsi şirkət əməkdaşları arasında narazılığa səbəb olub. Rəhbərliyinin keçirdiyi iclasda adıçəkilən problem qabardılıb və bunun aradan qaldırılması tələb olunub. Bundan hiddətlənən şirkət rəhbərliyi öz əməkdaşlarını, əsas da E.Əkbəri rüşvət almaqda suçlayıb, əllərində fakt olduğunu bildirib və belə davam edərlərsə, Korrupsiyaya Qarşı Mübarizə İdarəsinə müraciət edəcəklərini bildirib. Bu reaksiyadan sonra bəzi əməkdaşlar "sakitləşib", S.Səfərəliyeva ilə E.Əkbəri isə işlərindən ayrılmağa məcbur ediblər.