Azərbaycan İdeyası

Polisin səlahiyyəti məhdudlaşdırılır

Tarix:1-02-2016, 18:10
Baxış Sayı:384


Polisin səlahiyyəti məhdudlaşdırılır


Azərbaycanda polis əməkdaşlarının insanların yaşayış və müvəqqəti qalma yerlərinə daxil olması məhdudlaşdırılır.
"Korrupsiya və Qanun" saytı "AzVision.az a istinadən xəbər verir ki, bununla bağlı "Polis haqqında" qanuna dəyişiklik edilib.
Layihəyə əsasən, polis inzibati xəta törədən şəxsin azadlığını məhdudlaşdıra bilməyəcək. Dəyişikliklər layihəsində qeyd edilib ki, şəxsin inzibati qaydada tutulması İnzibati Xətalar Məcəlləsi ilə müəyyən edilmiş hallarda həyata keçirilir.
Bundan başqa, "Polis haqqında" qanunun 24-cü (polis tərəfindən mənzil toxunulmzalığı hüququnun məhdudlaşdırılması) maddəsinə dəyişikliklər edilməsi nəzərdə tutulub.
Dəyişiklik layihəsinə əsasən, hakimin qərarı olmadan polis əməkdaşı yaşayış yerinə orada yaşayanların iradəsi ziddinə bir neçə əsaslardan birinin olması barədə dəqiq məlumat olduğu halda daxil ola biləcək.
Bu əsaslara şəxsiyyət və ya dövlət hakimiyyəti əleyhinə cinayətin törədilməsinə və ya həmin cinayətin törədilməsinə hazırlığın aparılmasına dəlalət edən əşya və ya sənədlərin yaşayış yerində gizlədilməsi, şəxsiyyət və ya dövlət hakimiyyəti əleyhinə cinayəti hazırlayan, törədən, törətmiş, azadlıqdan məhrum etmə və ya həbs yerlərindən, yaxud mühafizə altından qaçmış şəxsin yaşayış yerində gizləməsi, yaşayış yerində insan meyitinin (meyit hissələrinin) olması, eləcə də yaşayış yerində insanın həyat və ya səhhəti üçün real təhlükənin olması, cinayət törədən şəxsin bilavasitə "isti izlərlə" təqib edilməsi daxildir.
Hazırda qüvvədə olan maddəyə əsasən, polis əməkdaşı mənzilə bu hallarla bağlı dəqiq məlumata malik olmaqla yanaşı, əsaslı şübhələri olduğu halda da daxil ola bilər. Dəyişikliklər layihəsində "əsaslı şübhələr" müddəasının qanundan çıxarılması təklif olunur.
Bundan başqa, qanundakı mənzil ifadəsinin çıxarılması və yaşayış yeri ifadəsi ilə əvəz olunması təklif edilir. Bununla bağlı qanunun 1-ci maddəsinə səkkizinci abzas əlavə olunması nəzərdə tutulub. Təklif olunan səkkizinci abzasda deyilir: "Yaşayış yeri - bir və ya bir neçə şəxsin yaşaması üçün müvəqqəti, yaxud daimi istifadə edilən yer, o cümlədən ev, mənzil, bağ evi, mehmanxanada, sanatoriyada, pansionatda, yataqxanada, istirahət evində, kempinqdə, turist bazasında otaq, onlara bilavasitə bitişik aynabəndlər, terraslar, qalereyalar, eyvanlar, ümumi istifadə üçün yerlər (onların istirahət, əmlak saxlamaq, yaxud insanların digər təlabatlarını təmin etmək üçün istifadə olunan digər tərzib hissələri), çoxmənzilli evdən başqa tikililərin zirzəmisi və çardağı, habelə dəniz gəmisinin kayutası və ya uzaq səfərdə olan qatarın kupesidir (bunlardan əlavə bu qanunun məqsədləri üçün yayşayış yeri anlayışı fiziki şəxsin xidməti kabinetini, ona məxsus çəpərli torpaq sahəsini, avtomobili, çay və dəniz gəmisini əhatə edir)."
Layihədə qeyd olunub ki, dəyişikliklər polis əməkdaşlarının qanunsuz olaraq şəxsin razılığı olmadan onun yaşayış yerinə, müvəqqəti qalma yerlərinə daxil olmalarının qarşısını almaq məqsədi daşıyır.
Dəyişikliklər səsə qoyularaq qəbul olunub.

OXŞAR XƏBƏRLƏR
Pensiyaya çıxmaq üçün tələb olunan qayda DƏYİŞDİ: Bundan sonra...
Pensiyaya çıxmaq üçün tələb olunan qayda DƏYİŞDİ: Bundan sonra...
SABİRABAD RAYON VƏ ŞİRVAN APELLYASİYA MƏHKƏMƏLƏRİNDƏ RƏZALƏT
SABİRABAD RAYON VƏ ŞİRVAN APELLYASİYA MƏHKƏMƏLƏRİNDƏ RƏZALƏT
SABİRABAD RAYON VƏ ŞİRVAN APELLYASİYA MƏHKƏMƏLƏRİNDƏ RƏZALƏT
SABİRABAD RAYON VƏ ŞİRVAN APELLYASİYA MƏHKƏMƏLƏRİNDƏ RƏZALƏT
Şirvanda xeyriyyəçilik ənənələri qorunur.
Şirvanda xeyriyyəçilik ənənələri qorunur.
“Korrupsiya və Qanun” qəzeti Şirvan Reabilitasiya Mərkəzi ilə müqəddəs bayramlar ərəfəsində xeyirxah təşəbbüsə imza atdı.
“Korrupsiya və Qanun” qəzeti Şirvan Reabilitasiya Mərkəzi ilə müqəddəs bayramlar ərəfəsində xeyirxah təşəbbüsə imza atdı.
Səhiyyə Nazirliyi bayram günləri ilə əlaqədar əhaliyə müraciət etdi
Səhiyyə Nazirliyi bayram günləri ilə əlaqədar əhaliyə müraciət etdi
Yalan diaqnoz qoyan həkimlər barədə yoxlamalar BAŞLADI - Vəzifəli şəxslər istintaqa cəlb olundular
Yalan diaqnoz qoyan həkimlər barədə yoxlamalar BAŞLADI - Vəzifəli şəxslər istintaqa cəlb olundular
Azərbaycanda məktəbli intihar edib
Azərbaycanda məktəbli intihar edib