Azərbaycan İdeyası

Azərbaycanda iki partiya sədri arasında qalmaqal baş verib 06 Fevral, 2015 14:56

Tarix:6-02-2015, 15:13
Baxış Sayı:0

Sərdar Cəlaloğlu: "Bu, ordakı bəzi adamların mənəvi cəhətdən deqradasiya olunduğunu göstərir"
Əhməd Oruc: "Sərdar Cəlaloğlu təkcə mənlə deyil, kiminlə gəldi mübahisə edir"


Siyasi Partiyaların Demokratiya və İnsan Haqları Mərkəzinin (SPDİHM) sonuncu toplatısında Azərbaycan Demokrat Partiyasının (ADP) sədri Sərdar Cəlaloğlu ilə Azadlıq Partiyasının sədri Əhməd Oruc arasında qalmaqal baş verib.
"Report"un məlumatına görə, buna səbəb S.Cəlaloğlunun xalq şairi Səməd Vurğunla bağlı tənqidi fikirlər səsləndirməsi olub. ADP sədrinin fikirlərinə Ə.Oruc etiraz edib və iki siyasətçi arasında insident yaşanıb. Sonra isə S.Cəlaloğlu toplantını tərk edib.
ADP sədri Sərdar Cəlaloğlu "Report"a açıqlamasında deyib ki, Ə.Orucla mübahisə edib, amma bu, dava həddinə çatmayıb: "Demokratiya və İnsan Haqlarının Mərkəzinin toplantısında 10 partiya sədri iştirak edib, deməli, bu məlumatı onlardan biri yayıb. Başqa kim yaya bilər ki? Bu, ordakı bəzi adamların mənəvi cəhətdən deqradasiya olunduğunu göstərir. Mərkəzin toplatısında əlbəyaxa dava olmayıb, kiçik bir insident olub. Mən iclasa qatılmamışdan əvvəl televiziyaların birində Səməd Vurğunla bağlı dediklərim müzakirə olunub. İclasa qatıldıqdan sonra isə dedim ki, kim Səməd Vurğunu müdafiə etmək istəyirdisə, gəlib orada deyərdi. İclasda kiminsə arxasınca danışmaq nəyə lazımdır. Dediklərim Əhməd Orucda məsuliyyət yaratdı və kiçik mübahisə etdik. Sonra isə mətbuata ötürüblər ki, guya dava etmişik. Görün bu adamlarla seçkidə iştirak etsəydik, nələrlə üz-üzə qalardıq?! Belə insanlarla ciddi bloklarda fəaliyyət göstərmək olmaz. Dediklərim orada təmsil olunan partiyaların hamısına aid deyil. Görünür, biz Azadlıq-2015 Seçki Blokuna qoşulmamaqla doğru addım atmışıq".
Azadlıq Partiyasının sədri Əhməd Oruc da "Report"a açıqlamasında ADP sədri ilə mübahisə etdiyini təsdiq edib. O bildirib ki, buna səbəb S.Cəlaloğlunun Səməd Vurğun haqqında tənqidi fikirlər səsləndirməsi olub: "Əlbəyaxa dava olmayıb. Sərdar Cəlaloğlu Səməd Vurğunla bağlı fikirlər söylədi. Mən də onun fikirlərinə irad bildirdim. Bəzi məsələlərlə bağlı həmişə Sərdar bəylə mənim aramda polemika olub. O, təkcə mənlə deyil, kiminlə gəldi mübahisə edir. Onun ömrü-günü mübahisələrdə keçir. Sərdar Cəlaloğlu Səməd Vurğun haqqında danışa bilməz. Onun iclası tərk etməsi bu mübahisə ilə bağlı deyil. Biz blok yaratdıq, onlar da blokda təmsil olunmayacaqlarını bildirdilər və iclası tərk etdilər".

OXŞAR XƏBƏRLƏR
Həyət evi olanların nəzərinə: sentyabrın 1-dən...
Həyət evi olanların nəzərinə: sentyabrın 1-dən...
Sabah daha 3 itkin-şəhid dəfn olunacaq
Sabah daha 3 itkin-şəhid dəfn olunacaq
Beyləqan səhiyyəsinə ağır itki üz verib - FOTO
Beyləqan səhiyyəsinə ağır itki üz verib - FOTO
Suriyanın “Vətən” saytında Mehriban Əliyeva haqqında məqalə dərc olunub
Suriyanın “Vətən” saytında Mehriban Əliyeva haqqında məqalə dərc olunub
Sabah 39 dərəcə isti olacaq - PROQNOZ
Sabah 39 dərəcə isti olacaq - PROQNOZ
"Sədərək"dəki yanğına görə sahibkarlara dəymiş ziyanı kim ödəyəcək?
"Sədərək"dəki yanğına görə sahibkarlara dəymiş ziyanı kim ödəyəcək?
Gəncədə 29 yaşlı oğlan bıçaqlanıb,
Gəncədə 29 yaşlı oğlan bıçaqlanıb,
"Sədərək"də yanğın zamanı 12 nəfər tüstüdən zəhərlənib - YENİLƏNİB
"Sədərək"də yanğın zamanı 12 nəfər tüstüdən zəhərlənib - YENİLƏNİB