Müxalifətdə yeni qalmaqal - KXCP sədri müavinini qovdu

Klassik Xalq Cəbhəsi Partiyasının (KXCP) sədri Mirmahmud Mirəlioğlu müavini Oqtay Gülalıyevi vəzifəsindən azad edib.
"Korrupsiya və Qanun" saytına istinadən bu barədə AzVision.az-a KXCP sədrinin müavini Xəzər Teyyublu məlumat verib.
Partiya rəsmisi bildirib ki, Oqtay Gülalıyev vəzifəsindən KXCP sədri tərəfindən uzaqlaşdırılıb: “Müavinlər təyin etmək və azad etmək partiya sədrinin səlahiyyətlərinə aid olan məsələdir. Bu adi prosedur qaydasıdır”, – deyə X. Teyyublu bildirib.
O.Gülalıyevin partiyada qalıb-qalmayacağı ilə bağlı məsələyə gəlincə, X. Teyyublu deyib ki, o partiya və Ali Məclisin üzvü olaraq fəaliyyətini davam etdirə bilər.