Gömrük Komitəsində də Apellyasiya Şurası yaradıldı

Dövlət Gömrük Komitəsində (DGK) komitə sədrinin müvafiq sərəncamı ilə Apellyasiya Şurası yaradılıb.
"Korrupsiya və Qanun" saytı bildirir ki, bu barədə AzVision.az-a DGK-nin mətbuat xidmətindən məlumat verilib. Yeddi nəfərdən ibarət olan Şuraya Komitənin strukturuna aid olan qurumların məsul şəxsləri daxil edilib və Şuraya DGK sədrinin müavini Rza Həsənəliyev başçılıq edir.
DGK-dan verilən açıqlamaya görə, Apellyasiya Şurası Azərbaycan Prezidentinin fevralın 3-də imzaladığı “Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında” fərmanına uyğun olaraq yaradılıb.