Ramil Usubov daha bir rəisi işdən çıxartdı

Daxili işlər naziri Ramil Usubov Bakıda polis rəisi ilə bağlı əmr verib. Criminal.az saytının məlumatına görə, Nəsimi rayon Polis İdarəsinin 22-ci polis bölməsinin rəisi Mahir Məmmədovu vəzifəsindən azad edib. Onun yerinə Xəzər rayon Polis İdarəsinin 1-ci polis bölməsinin rəisi Zaur Əliyevi təyin edib.

M.Məmmədovun hansı vəzifəyə təyin olunması məlum deyil.

Xatırladaq ki, dünən Nərimanov rayon Polis İdarəsinin rəisi İsmayıl Əsədov işdən çıxarılıb. Nazir onu Kürdəmir rayonuna rəis göndərib.