Azərbaycan İdeyası

Bakıda qoca müştirisini qovan kafe indi VİDEO yaydı

Tarix:28-07-2016, 18:17
Baxış Sayı:390

Bakıda qoca müştirisini qovan kafe indi VİDEO yaydı
Bir müddət əvvəl Azərbaycanın tanınmış jurnalistlərindən olan Rəhman Hacılının üzləşdiyi xoşagəlməz, hətta biabırçı hadisə bu gün yenidən gündəmə gəlib. Criminal.az saytı xəbər verir ki, jurnalist paytaxtın məhşur kafelrindən birində qoca müştərinin qovulması ilə bağlı status yazmış və insanları ora getməməyə çağırmışdı. Bu gün restoran həmin hadisənin əslində necə baş verməsini göstərən video yayıb.

Məlumat üçün R.Hacının Facebook profilində paylaşdığı yazısını təqdim edirik: "Bu gün qəlbimi qıran, məni çox narahat edən insidentlə qarşılaşdım. Şəhərə gəzintiyə çıxmışdım. İtimi, york cinsindən olan Pippini gəzdirirdim. Fəvvarələr meydanında dolaşdım, yolda "Coffeeshop Sompany" kafesinə girdim. Düzünü desəm, indiyədək orada olmamışdım, amma fikrimi dəyişmədim. Küçədə oturduq, salat yedik. Bir sözlə, normal. Elə kafeni tərk etmək istəyirdim ki, oraya yaşlı kişi daxil oldu. Zahiri görünüşünə görə normal, sərxoş olmayan, "bomj"a bənzəməyən insandı. Müştərilərə sataşmırdı, pis qoxumurdu. Varlı olmadığı görünürdü, amma bunun nə önəmi var ki...

Kişi qonşu masanın arxasına oturdu. Zənn edirəm ki, sadəcə, nəfəsini dərmək istəyirdi. Saat 16 radələri idi, hava da çox isti. Ona kafenin ofisiantlarından biri yaxınlaşdı. Su gətirdi, cibindən bir manat çıxardı. Kişiyə uzadı dedi ki, restoranın rəhbərliyi onun getməsini istəyir. Yəni suyu içə bilər, manatı götürə bilər, amma heç bir halda müştərilərə "həyatdan kam almağa" mane olmamalıdır. Qoca ona baxdı və dedi ki, sadəcə, dincəlmək istəyir. Axı çox istidir. Bu kafe və ya restoranda bütün masalardan ən uzağı üçünün arxasında müştərilər olsa da, həmin qocaya kafedə yer yoxdu. Kafe rəhbərliyi qərara gəlmişdi ki, bu qoca onların möhtəşəm masalarının arxasında oturmağa, əllərini o masanın üstünə qoymağa, onların möhtəşəm kofelərini içməyə layiq deyil. Belə çıxır ki, restoran rəhbərliyinin fikrincə, itim Pippi bu kafedə olmağa layiqdir, amma qoca kişi - yox. Ofisiantdan soruşuram ki, bu kişi üçün menyudan nəsə sifariş verə bilərəmmi? Ofisiant dedi: "Bağışlayın, məndən asılı deyil. Rəhbərimiz olan qadın dedi ki, o kişi getsin. Mən heç nə edə bilərəm".

Qoca kişi, təbii ki, getdi. Mübahisə etmədi - düşünürəm ki, nə istəyi, nə heyi vardı - 5 metr addımladı, sonra qonşu blokun pilləkəninə oturdu. Ona yaxınlaşdım, nə içmək istədiyini soruşdum. "Coffeeshop Company" rəhbərliyinə görə, özümə görə utandım, çünki yaşlılarımıza layiqli qocalığı təmin edə bilmirik. Qoca kişi mənə baxdı, gülümsədi və dedi: "Heç nə gərək deyil, oğul, yorulmuuşam. Beş dəqiqə oturub gedəcəyəm". Gerçəkdən də, bir qədər oturduu, getdi. "Coffeeshop Company"yə bir daha ayaq basmaram. İnsanların "birinci" və "ikinci" dərəcəli sayıldığı yerdə işim yoxdur. Sizə də ora getməyi məsləhət bilmirəm".

OXŞAR XƏBƏRLƏR
Bu gündən ictimai nəqliyyatda gedişhaqqı 60 qəpik olacaq
Bu gündən ictimai nəqliyyatda gedişhaqqı 60 qəpik olacaq
Nazirdən deputata, rektordan generaladək: Vəzifədə həyatla vidalaşanlar
Nazirdən deputata, rektordan generaladək: Vəzifədə həyatla vidalaşanlar
Aeroportdan şəhərə gəldi, taksiyə 42 manat ödədi - FOTO
Aeroportdan şəhərə gəldi, taksiyə 42 manat ödədi - FOTO
Bu icra başçılarının yaşı 70-ə çatır - SİYAHI
Bu icra başçılarının yaşı 70-ə çatır - SİYAHI
Cabir İmanovun infarkt olmasına idman səbəb olub? - DETALLAR
Cabir İmanovun infarkt olmasına idman səbəb olub? - DETALLAR
Əməkdar artist Cabir İmanov vəfat edib -+ƏLAVƏ
Əməkdar artist Cabir İmanov vəfat edib -+ƏLAVƏ
Aranlının mədəniyyət başqanı Elşən Əsədov “əvvəl gödəniyyət” prinsipi ilə işləyir
Aranlının mədəniyyət başqanı Elşən Əsədov “əvvəl gödəniyyət” prinsipi ilə işləyir
İctimai nəqliyyatda gedişhaqqı artırıldı
İctimai nəqliyyatda gedişhaqqı artırıldı