Bu gün Bakı Ağır Cinayətlər Məhkəməsində soyğunçuluqda təqsirləndirilən Zahid Namazov və Nihad Abdulrəhimzadənin cinayət işi üzrə məhkəmə prosesi başa çatıb.
Criminal.az-ın Lent.az-a istinadən məlumatına görə, keçirilən prosesdə hökm oxunub. Hakimlər kollegiyasının hökmünə hər iki şəxs 11 il müddətinə azadlıqdan məhrum edilib
Qeyd edək ki, Bakı şəhər sakini Ceyhun Xasanovu bıçaqla hədələyərək ondan 22 manat pul alınıb. Nəsimi Rayon Polis İdarəsinin 22-ci polis bölməsi və Yasamal Rayon Polis İdarəsinin 28-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Gəncə şəhər sakini Zahid Namazov və Göyçay rayon sakini Nihad Abdulrəhimzadə tutulublar.
Ətraflarında aparılmış əməliyyat tədbirləri ilə onların paytaxt sakinləri Həsən Ələkbərovun və Afərin Mahmudzadənin mobil telefonlarını soyğunçuluq yolu ilə, habelə Bakı şəhər sakini Rəhman Ağagülovun ayaq nahiyəsinə bıçaqla xəsarət yetirərək mobil telefonunu almaları da müəyyən edilib.
Bakıda 130 min manat mənimsəyən qadına AĞIR CƏZA
Bakı sakini bıçaqlanıb
Bakıda iranlı turist qarət edildi
Külli miqdarda pul mənimsəyən vəzifəli şəxsə 7 il 6 ay HƏBS
Bakıda avtomobilin qarşısını kəsib pul tələb etdilər - QULDURLUQ
