Bakıda restoran müştəriləri aldatmasını təkzib etdi

Ötən gün Gənclik Mall-da yerləşən ''Pakdad'' restoranında müştərilərin aldadılması ilə bağlı mediada məlumat yayılmışdı. PAK DAD şirkətlər qrupu Gənclik Mall-da fəaliyyət göstərən fast-food restoranında müştərilərə doğru məlumat verilməməsi ilə bağlı yazılanları təkzib edib. Şirkətin ictimaiyyətlə əlaqələr xidmətindən Criminal.az-a bildiriblər ki, The Coca-Cola company ilə əməkdaşlığı ifadə edən menyu şəkilləri müştərilər tərəfindən yanlış anlaşılıb.

“PAK DAD hər hansı kampaniya menyuları hazırladıqda menyuya daxil olan yemək və içkilər arasında “plyus” işarəsi qoyur. Bu şəkillər isə, sadəcə, menyu ilə tövsiyə etdiyimiz içkini göstərir” – PAK DAD-dan belə deyiblər.