Tanınmış vəkil “Azercell”ə cinayət işinin açılmasını tələb edir

Tanınmış vəkil İradə Cavadova “Azercell Telekom” MMC -də baş verən qanunsuzluqlarla bağlı cinayət işinin açılmasını və şirkətin cinayət məsuliyyətinə cəlb olunmasını istəyir. Bu barədə Gununsesi.info-ya vəkil İradə Cavadaova özü məlumat verib.

Onun sözlərinə görə, “Azercell Telekom” MMC -yə qarşı cinayət işinin açılması ilə əlaqədar olaraq Baş Prokurorluğa şikayət ərizəsi ünvanlayıb. “İmza saxtakarlığı və digər cinayət əməllərinin araşdırılması üçun şikayətim Yasamal rayon Polis idarəsinə göndərilib. Amma “Azərsell”-ə qarşı iddiama baxlması və şirkətdəki qanunsuzluqların araşdırılması rahat olmadı.

Aidiyyatı orqanlar şikəyətimi ancaq bir xeyli vaxt keçdikdən, yəni, “ötür-ötür” mərhələsini birtəhər başa vurduqdan sonra nəhayət ki, Yasamal rayon Polis İdarəsində müstəntiqə izahat verməyə nail ola bildik”- deyə, vəkil İ.Cavadova vurğulayıb.

Vəkil həmçinin deyib ki, iki həftə keçməsinə baxmayaraq, ancaq prosesin gedişi ilə bağlı ciddi iradı və narazılığından sonra “Azercell Telekom”da baş verən qanunsuzluqlarn araşdırılması və izahat alınması üçün ona polisə dəvət məktubu göndərilib.