Həbs edilən general qadın kimdir?

Xəbər verdiyimiz kimi, dünən Milli Təhlükəsizlik Nazirliyinin (MTN) 10-dək əməkdaşı haqqında Səbail rayon məhkəməsində qərar çıxarılıb. Məhkəmə qərarına əsasən onlar barəsində 3 aylıq həbs qətimkan tədbiri seçilib "Korrupsiya və Qanun" qəzetinin aldığı xəbərə istinadən Femida.az-ın məlumatına görə, həbs edilənlər arasında general-mayor rütbəsi daşıyan qadın da var. O, MTN-in Əməliyyat-texniki İdarəsinin rəisi general-mayor Mürvətova Natəvan Mürsəl qızıdır.
"Korrupsiya və Qanun" qəzetinin aldığı məlumata görə Femida.az ilk qadın general haqqında qısa xatırlatmanı təqdim edir.
Mürvətova Natəvan Mürsəl qızı Azərbaycan tarixində ilk dəfə olaraq general-mayor hərbi rütbəsi ilə təltif olunan qadındır. O, Prezident İlham Əliyevin 2009-cu il, 28 mart tarixli sərəncamı ilə bu rütbəyə yüksəlib.
Natəvan Mürvətova 2013-cü ilin martın 28-də “Vətən uğrunda” medalı ilə təltif olunub.
İlkin məlumata görə, onun barəsində Respublika Baş Prokurorluğunda Cinayət Məcəlləsinin 302-ci (Əməliyyat-axtarış fəaliyyəti haqqında qanunvericiliyi pozma), 308-ci (Vəzifə səlahiyyətlərindən sui-istifadə) və 309-cu (Vəzifə səlahiyyətlərini aşma) maddələri ilə cinayət işi başlanıb.
[xfgiven_embed] [/xfgiven_embed] [xfgiven_youtube][/xfgiven_youtube]