Naftalanda kütləvi ağacəkmə kampaniyasına start verilib

Naftalan şəhərində payız-qış mövsümünün gəlişi ilə əlaqədar kütləvi ağacəkmə kampaniyasına start verilib. Ümumşəhər iməcliyinə xeyli sayda sakin qoşulub. Şəhərin ondan artıq yerində iki minə yaxın eldar şamı əkilib. Qeyd edək ki, hər il naftalanda 10 mindən artıq ağac əkilir. Növbəti ağacəkmə aksiyası mərhələli şəkildə bir neçə gün davam edəcək. Həmişəyaşıl ağaclar şəhərin girişində və erroziya təhlükəsi olan ərazilərdə əkilir. Əkilən bütün ağaclar sulandıqdan sonra mütəmadi qulluq üçün şəhər kommunal təsərrüfat istehsalat birliyinə təhvil verilir.