Bakının 20 Yanvar küçəsindəki mənzillərdən birindən oğurluq edilməsi barədə DİN-in "102 Zəng Mərkəzi"nə müraciət daxil olub. Ev sahibəsi mənzilindən pul və qızıl-zinət əşyalarının oğurlandığını bildirib.
Məlumatla əlaqədar ərazi aidiyyəti üzrə Nəsimi Rayon Polis İdarəsinin 19-cu Polis Bölməsinin əməkdaşlarından və kriminalistlərdən ibarət əməliyyat qrupu hadisə yerində olaraq müvafiq araşdırmalar aparıb.
Kriminalistlər mənzili müayinə edib, əl-barmaq izləri götürülüb, digər əməliyyat tədbirləri həyata keçirilib.
Hadisə yerindən götürülmüş izlərin müvafiq qaydada ekspertizası onun əvvəllər məhkum olunmuş Hüseyn Quliyevin əl-barmaq izləri ilə eyniyyət təşkil etməsi barədə rəy verib. Əməliyyat-axtarış tədbirləri ilə Abşeron rayon sakini, əvvəllər məhkum olunmuş Hüseyn Quliyevin yeri müəyyənləşdirilib. O, iyulun 6-da şübhəli şəxs qismində saxlanaraq 19-cu Polis Bölməsinə gətirilib.
Ətrafında aparılan tədbirlərlə və əsaslı dəlillər qarşısında o, törətdiyi əməli etiraf edib. Bildirib ki, həmin mənzilə pəncərədən girmək yolu ilə daxil olaraq oradan 450 manat, 3100 ABŞ dolları və qızıl zinət əşyaları oğurlayıb.
Faktla əlaqədar cinayət işi başlanıb. İstintaq-əməliyyat tədbirləri davam etdirilir.
Natiq CAVADOV
DİN mətbuat xidmətinin əməkdaşı
[xfgiven_embed] [/xfgiven_embed]
[xfgiven_youtube][/xfgiven_youtube]