Dərman preparatlarını gömrük nəzarətindən gizlətmək cəhdi alınmadı

Balakən Gömrük İdarəsinin əməkdaşları xeyli miqdarda dərman preparatının gömrük nəzarətindən gizlədilmiş şəkildə ölkə ərazisinə gətirilməsinə cəhdin qarşısını alıblar.
Korrupsiya-q.az Dövlət Gömrük Komitəsinin mətbut xidmətinə istinadən xəbər verir ki, "Mazımçay" gömrük postunda Türkiyə vətəndaşı Turan İsmail Ali oğlunun idarə etdiyi yük nəqliyyat vasitəsinə baxış zamanı gömrük orqanına bəyan olunmayan 105 flakon "Aesthetic Dermal; Desinfiltral" adlı dərman preparatı aşkar edilib.
Bundan başqa, avtomobildə gömrük nəzarətindən gizlədilmiş 5 qutu "Teosyal; RHR; 4; 2X1 ml", 4 qutu "Teosyal; RHR; 3; 2X1 ml", 1 ədəd qablaşdırma qutusu olmayan "Teosyal; RHR; 3; 1 ml" və 6 qutu olmaqla ümumilikdə 132 ampul "Aesthetic Dermal; RPS®HA Eyes" adlı dərman preparatları aşkar olunub.
Faktla bağlı araşdırma aparılır.