Fəal vətənpərvərlik mövqeyinə malik şəxslər də dələduzluğa məruz qalırlar

Bakı şəhəri, Xətai rayonu, Cavanşir küçəsi – 7, ev 64 ünvanda yaşayan İsayeva Aynur Ədalət qızı 19.12.2022-ci il tarixdə yazılı formada “Korrupsiya və Qanun” qəzeti redaksiyasına müraciət edərək bildirib ki, İsmayılov İsmayıl Vahab oğluna birinci dəfə 20.06.2022-ci il tarixdə 210.00 AZN (iki yüz on manat) məbləğdə, ikinci dəfə 27.12.2022-ci il tarixdə 600.00 USD (altı yüz ABŞ dolları) məbləğdə borc verib. Həmin vaxtdan etibarən dəfələrlə zəng edib pulunu geri istəsə də, qarşı tərəf müxtəlif bəhanələr gətirərək vaxtı uzadıb, indi isə zənglərinə ümumiyyətlə cavab vermir, bir sözlə, qaytarmaqdan imtina edir.
Eyni zamanda A.İsayeva qeyd edib ki, özü Vətənpərvərlər Maarifləndirmə İctimai Birliyinin sədr müavinidir və Birliyin sədri Qərib Azadxanoğlu və həmkarı Hacı Zahir bəy onun İ.İsmayılova borc pul verməsinin şahidi olublar, təsdiqləyə bilərlər. Odur ki, redaksiyadan İ.İsmayılova ictimai təzyiq vasitəsi kimi məsələnin kütləvi informasiya vasitəsi ilə ictimailəşdirilməsini və aidiyyəti üzrə hüquq-mühafizə orqanlarına çatdırılmasını xahiş etmişdir.
Bu məsələdə diqqəti çəkən mühüm məqam məhz ziyan çəkən şəxsin vətənpərvərlər birliyini təmsil etməsi, Birliyin rəhbərliyində ikinci şəxs olmasıdır. Nəzərə alınmalıdır ki, Birlik vətənpərvərlik müstəvisində təmənnasız, üzvlərin ianələri hesabına fəaliyyət göstərir, dövlətdən və ya başqa mənbədən maliyyələşmir. Bu nöqteyi-nəzərdən, onsuz da məhdud daxili imkanlarla fəaliyyətini davam etdirən Birliyin əsas üzvlərindən birinin maddi ziyana düşməsi, vaxtını borc çəkişmələrinə sərf etməsi istər-itəməz təşkilatın özünün də fəaliyyətində süstlüyə səbəb ola bilər. [xfgiven_embed] [/xfgiven_embed] [xfgiven_youtube][/xfgiven_youtube]