Saray qəsəbəsində narkotik vasitələrin satışı və təbliği ilə məşğul olan şəxs saxlanılıb.
Bu barədə Daxili İşlər Nazirliyinin Mətbuat Xidməti məlumat yayıb.
Bildirilib ki, Abşeron Rayon Polis İdarəsinin Saray Polis Bölməsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində Saray qəsəbəsində narkotik vasitələrin satışı ilə məşğul olan Sumqayıt şəhər sakini Asif Axundov saxlanılıb. Onun üzərinə baxış zamanı satış üçün əldə etdiyi ümumi çəkisi 2 kiloqrama yaxın narkotik vasitə heroin, marixuana və psixotrop maddə metamfetamin aşkar edilib. Asif Axundovun ətrafında aparılan araşdırmalar zamanı onun Saray qəsəbəsində gənclər və yeniyetmələr arasında narkotik vasitələrin təbliği ilə məşğul olduğu müəyyən edilib.
Faktla bağlı Asif Axundov barəsində Saray Polis Bölməsində toplanan materiallar Abşeron Rayon Polis İdarəsinin İstintaq Şöbəsinə göndərilib. Əməliyyat-istintaq tədbirləri davam etdirilir.
Həyətində narkotik əkib-becərən şəxs saxlanılıb
Bakıda narkotik vasitə və psixotrop həblər satan şəxs saxlanılıb - VİDEO
Bakıda sosial şəbəkələrdə narkotik satan dəstə üzvü saxlanıldı
Bakıda “Doktor” ləqəbli şəxs tutuldu – ƏMƏLİYYAT
Bakıda narkotacir görün hansı cildə giribmiş? – Diqqət yayındırırmış – FOTO
