Lənkəranda KIA və "Opel" TOQQUŞDU - Yaralılar var

Lənkəran rayonunun Liman şəhəri ərazisində "KIA Ceed" və "Opel" markalı avtomobillər toqquşub.

Yol-nəqliyyat hadisəsi zamanı üç nəfər xəsarət alıb. Qəza nəticəsində xəsarət alanların son vəziyyəti məlum olub.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, hadisə nəticəsində xəsarət alan iki nəfər kişi avqustun 4-də saat 16:50-də Lənkəran Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Onlara bədənin müxtəlif nahiyələrinin travması, başın küt travması, qaşüstü nahiyənin yarası, başın və döş qəfəsinin küt travması diaqnozları təyin edilib.

Xəsarət alan şəxslərə zəruri tibbi xidmətlər göstərilib. Vəziyyətləri qənaətbəxş qiymətləndirildiyindən ambulator müalicə üçün evə buraxılıblar", - deyə məlumatda bildirilib.