Küləkli hava şəraiti neçə gün davam edəcək?

“Ölkə ərazisində küləkli hava şəraiti martın 15-i gecə saatlarınadək davam edəcək”.

Bunu açıqlamasında Ekologiya və Təbii Sərvətlər Nazirliyinin Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib.

Onun sözlərinə görə, martın 15-i gün ərzində paytaxt və bölgələrdə hava şəraiti dəyişkən buludlu, əsasən, yağmursuz keçəcək:

“Mülayim cənub küləyi əsəcək. Havanın temperaturu Bakı və Abşeron yarımadasında 13-16 dərəcə, aran rayonlarında 15-20 dərəcə, dağlıq rayonlarında isə 3-8 dərəcə isti olacaq”.