Azərbaycan qazı Avropaya 2020-ci ildən tez çatacaq

Maroş Şefoviç bəyanat verib.
Avropa Komissiyasının vitse-prezidenti Maroş Şefoviç Davos İqtisadi Forumu çərçivəsində Azərbaycan Prezidenti İlham Əliyev ilə görüşüb.
Görüş zamanı tərəflər Cənub Qaz dəhlizini müzakirə ediblər, Oxu.Az EurActiv-ə istinadən xəbər verir.
EurActiv-ə verdiyi müsahibəsində görüşü şərh edən Şefoviç görüşdən optimist əhval-ruhiyyədə çıxdığını söyləyib.
“Avropa Komissiyası ilə bu energetik bazarın gələcəyinin müzakirəsi davam edir. Hazırda mürəkkəb amil kimi nəzərdən keçirilmir. Mən prezident Əliyevin bu boru kəmərinin inşasının planlaşdırıldığı müddətdən öncə bitməsinə optimist yanaşdığını deyə bilərəm”.
Bu görüşdən optimist əhval-ruhiyyədə, Xəzər dənizi qazının Avropaya 2020-ci ildən tez çatacağına əminliklə ayrıldım”, - Avropa komissarı bəyan edib.