Məktəb binasından yıxılan şagirdin vəziyyəti AÇIQLANDI - YENİLƏNİB

Dağlıq Şirvan Regional Təhsil İdarəsi İsmayıllıda məktəb binasından yıxılan şagird barədə açıqlama verib.

Qurumdan sorğuya cavab olaraq bildirilib ki, hazırda məsələ ilə bağlı hüquq-mühafizə orqanları tərəfindən araşdırma aparılır:

“Hazırda şagird xəstəxanadadır və vəziyyəti normaldır. Hadisənin səbəbi bilinmir. Araşdırma bitəndən sonra ətraflı məlumat veriləcək”.

10:49

İsmayıllıda məktəb binasından yıxılan şagird Bakıya gətirilib.

Xəbər veririk ki, kəllə-beyin travması alan qız əvvəl Qəbələ, daha sonra isə Bakıdakı xəstəxanaların birinə gətirilib.

Hazırda faktla bağlı rayon prokurorluğunda araşdırma aparılır.

10:38

İsmayıllı rayonunda şagird məktəbin ikinci mərtəbəsindən yıxılıb.

Xəbər veririk ki, hadisə rayonun Kürdmaşı kənd orta məktəbində qeydə alınıb.

Doqquzuncu sinif şagirdi, 2008-ci il təvəllüdlü qız məktəbin ikinci mərtəbəsindən yıxılıb.

Hadisə nəticəsində məktəbli xəsarətlər alıb.

Faktla bağlı rayon prokurorluğundan araşdırma aparılır.