30 il əvvəl Füzuli rayonunda itkin düşən, bir qədər əvvəl kütləvi məzarlıqda qalıqları tapılan şəhid Əsəd Məmməd oğlu Məmmədovun qalıqları dəfn olunmaq üçün anadan olduğu Ağstafa rayonuna aparılıb.
APA-nın yerli bürosunun məlumatına görə, şəhidlə doğulduğu Eynallı kəndində vida mərasimi keçirilir. Mərasimə şəhidin ailə üzvləri, rayon icra hakimiyyətinin rəhbərliyi, ictimaiyyət nümayəndələri qatılıblar.
Vida mərasimindən sonra şəhidin qalıqları Eynallı kənd qəbiristanlığında yaxınlarının məzarlarının yanında dəfn ediləcək.
Qeyd edək ki, Məmmədov Əsəd Məmməd oğlu 1966-cı ildə Ağstafa rayonunun Eynallı kəndi anadan olub. O, birinci Qarabağ müharibəsi dövründə, 1993-cü ilin iyul ayında Füzuli rayonunun Kürdmahmudlu kəndində itkin düşüb.
Ağstafada şəhidin dəfn mərasimi keçirilir
Şəmkirdə Azərbaycan Ordusunun şəhid olan əsgəri ilə vida mərasimi keçirilir - FOTO
Şəhid polkovnik-leytenant dəfn edildi - FOTO
Şəhid Çingiz Qurbanovla vida mərasimi - FOTOLAR (VİDEO)
Azərbaycan Ordusunun şəhid hərbçisi Dmitri Sontsevlə vida mərasimi keçirilir
