Azərbaycan İdeyası

Təmayül siniflərində təhsil ödənişli olacaq? - AÇIQLAMA

Tarix:9-03-2017, 13:33
Baxış Sayı:767

 Təmayül siniflərində təhsil ödənişli olacaq? - AÇIQLAMA

Təmayül siniflərində dərs prosesinə ilk olaraq repetitorların cəlb ediləcəyi və bununla da təmayül siniflərində təhsil alacaq şagirdlərin bu təhsilin müqabilində ödəniş etməli olacaqları ehtimal olunur.
Təmayül siniflərindən kənarda qalan adi siniflər üçün isə prosedur ödənişsiz olacaq.
Məsələ ilə bağlı Lent.az-a açıqlama verən Təhsil Nazirliyinin Məktəbəqədər və ümumi təhsil şöbəsinin müdiri Aydın Əhmədov deyib ki, təmayül siniflərində təhsilin ödənişli olması ilə bağlı söylənən fikirlər həqiqətə uyğun deyil: “Təbii ki, təmayül siniflərinə peşəkar fənn müəllimləri cəlb olunacaq. Lakin bu prosesdə şagirdlərdən hər hansı ödənişin tələb olunacağı həqiqətə uyğun deyil”.
A.Əhmədovun sözlərinə görə, “Təhsil haqqında” Azərbaycan Respublikası Qanununun 19.19-cu maddəsinə əsasən, tam orta təhsil səviyyəsində təhsilin təmayülləşməsi (humanitar, texniki, təbiət və digər) təmin olunur.
Təmayül siniflərinə şagirdlərin qəbul qaydalarını da açıqlayan qurum rəsmisi deyib ki, şagirdlər həmin siniflərə meyl və maraqları, istedad və qabiliyyətləri nəzərə alınmaqla qəbul ediləcəklər: “Tam orta təhsil səviyyəsində şagirdlərin sayı imkan verdikdə (hər sinifdə 20 şagirddən az olmamaqla) onlar arzu və istəkləri nəzərə alınaraq təmayül istiqamətləri üzrə qruplaşdırılacaqlar. Bir məktəbdə şagirdlərin sayı təmayül siniflərinin yaranmasına kifayət etməzsə, yaxınlıqdakı bir neçə məktəbin şagirdlərinin hesabına təmayül siniflərinin yaradılması nəzərdə tutulur”.
A.Əhmədov əlavə edib ki, təmayül təşkil olunacaq məktəbin seçilməsi zamanı, ilk növbədə, həmin məktəbin digər məktəblər içərisində daha əlverişli coğrafi mövqeyə malik olması, yol infrastrukturunun əlverişliliyi nəzərə alınacaq. Bununla yanaşı, buraxılış və qəbul imtahanlarında yüksək nəticələri olan, peşəkar və təcrübəli müəllimləri olan məktəblərə daha çox üstünlük veriləcək. Hazırda bununla bağlı yerli təhsili idarəetmə orqanları tərəfindən zəruri təhlillər aparılır, təkliflər hazırlanır.


OXŞAR XƏBƏRLƏR
Bu gün Türkiyədə Milli Suverenlik və Uşaq Bayramıdır
Bu gün Türkiyədə Milli Suverenlik və Uşaq Bayramıdır
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
Xərçəng cavanlaşıb: Xəstəliyin ARTMA SƏBƏBLƏRİ
Xərçəng cavanlaşıb: Xəstəliyin ARTMA SƏBƏBLƏRİ
Hövsanda spirt sexində partlayış - ölən və xəsarət alan var - YENİLƏNİB
Hövsanda spirt sexində partlayış - ölən və xəsarət alan var - YENİLƏNİB
“Aviasiya haqqında” qanun dəyişdi
“Aviasiya haqqında” qanun dəyişdi
Azərbaycanda daha bir məhkum dünyasını dəyişdi-18.04.2025.
Azərbaycanda daha bir məhkum dünyasını dəyişdi-18.04.2025.
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Ağdamda ata və azyaşlı övladları minaya düşüblər
Ağdamda ata və azyaşlı övladları minaya düşüblər