Azərbaycan İdeyası

Saxta tibbi sənədlərlə alınan əlillik təyinatları LƏĞV EDİLİB

Tarix:14-09-2018, 13:19
Baxış Sayı:436

 Saxta tibbi sənədlərlə alınan əlillik təyinatları LƏĞV EDİLİB

Əlilliyin təyinatı və tibbi-sosial reabilitasiya sisteminin təkmilləşdirilməsi istiqamətində təkliflərin hazırlanması məqsədilə Əmək və Əhalinin Sosial Müdafiəsi Nazirliyində (ƏƏSMN) fəaliyyət göstərən işçi qrupunun növbəti iclası keçirilib.

Bu abrədə nazirliyin İctimaiyyətlə əlaqələr şöbəsindən Moderator.az-a verilən məlumatda bildirilib.
Nazir Sahil Babayev Prezident İlham Əliyevin tapşırıqlarına uyğun olaraq nazirlikdə aparılan islahatların mühüm hədəflərindən birinin də tibbi-sosial reabilitasiya sisteminin inkişaf etdirilməsi olduğunu vurğulayıb. S.Babayev bildirib ki, görülən işlər çərçivəsində əlilliyi olan şəxslər üçün bərpa mərkəzlərinin potensialının gücləndirilməsinə xüsusi diqqət yetirilir. Həmin şəxslərin reabilitasiyasında müsbət nəticələrin əldə olunması üçün bərpa mərkəzlərinin imkanlarının artırılması təmin olunacaq. Bununla bağlı reabilitasiya mərkəzləri ilə bağlı nümunəvi nizamnamə hazırlanır. S.Babayev, eyni zamanda, yaxın illərdə ölkəmizdə əlilliyi olan şəxslər üçün bərpa mərkəzləri şəbəkəsinin genişləndirilməsi üçün işlərin aparıldığını diqqətə çatdırıb.
Yeni “Əlilliyi olan şəxslərin hüquqları haqqında” Qanunda fərdi reabilitasiya proqramının icrasının xüsusi yer tutduğunu qeyd edən nazir ümumilikdə bu qanunda əksini tapan bir sıra məsələlərlə bağlı konkret icra prosedurlarını müəyyən edən Qaydaların hazırlanması işlərinə başlandığını deyib. O, əlilliyin qiymətləndirilməsi meyarlarının mütərəqqi beynəlxalq təcrübəyə uyğunlaşdırılması üzrə təkliflərin hazırlanması sahəsində işçi qrupu tərəfindən aparılan işlərin sürətləndirilməli olduğunu diqqətə çatdırıb.
İclasda işçi qrupunun gördüyü işlərin nəticələri, həmçinin cari ilin ilk yarımilində risk qrupu xəstəlikləri ilə əlaqədar təyin edilmiş I qrup əlillik təyinatları üzrə Səhiyyə Nazirliyindəki müvafiq işçi qrupu ilə birgə aparılan araşdırmaların yekunları barədə məlumat verilib. Risk qrupu xəstəlikləri ilə əlaqədar saxta tibbi sənədlər tərtib olunmaqla rəsmiləşdirilmiş göndərişlər əsasında yanlış əlillik təyinatlarının ləğv edildiyi və hazırda bu istiqamətdə işlərin davam etdirildiyi bildirilib.
İclasda bu ilin ilk yarımili ərzində risk qrupu xəstəlikləri ilə əlaqədar təyin edilmiş II və III dərəcə əlillik təyinatları üzrə araşdırmaların aparılması qərara alınıb.

OXŞAR XƏBƏRLƏR
Ali Məhkəmənin İnzibati Kollegiyasına
Ali Məhkəmənin İnzibati Kollegiyasına
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”
Hakim Hafiz Əliyev əsassız ittihamın kökündə duran şikayət ərizəsinin və ekspert rəyinin aşkar surətdə dəfələrlə dəyişdirildiyini niyə görmür?
Hakim Hafiz Əliyev əsassız ittihamın kökündə duran şikayət ərizəsinin və ekspert rəyinin aşkar surətdə dəfələrlə dəyişdirildiyini niyə görmür?
Şizofreniya xəstəsi “zor tətbiq etmədən soyğunçuluq” əməlində ittiham edilir
Şizofreniya xəstəsi “zor tətbiq etmədən soyğunçuluq” əməlində ittiham edilir
“Məzun Evi”nin atalı-analı yetimlərindən ibarət təxribatçı dəstə hələ də cəzasız qalıb
“Məzun Evi”nin atalı-analı yetimlərindən ibarət təxribatçı dəstə hələ də cəzasız qalıb
Trampdan Putinə xəbərdarlıq - "Odla oynayır"
Trampdan Putinə xəbərdarlıq - "Odla oynayır"
Laçında dəfn mərasimlərinə icazə verildi
Laçında dəfn mərasimlərinə icazə verildi
28 may-Müstəqillik Günüdür
28 may-Müstəqillik Günüdür