Azərbaycan İdeyası

SOL SAĞRISINDAN KOR QƏLPƏ YARASI ALMIŞA "FORMA 88" NİYƏ VERİLMİR?

Tarix:4-07-2018, 15:40
Baxış Sayı:575





Respublikamızda həssas təbəqədən olan insanların, əlilliyi olan şəxslərin sosial müdafiəsinə, reabilitasiya və cəmiyyətə inteqrasiya məsələlərinə xüsusi diqqət yetirilir. Bu sıradan ölkəmizin müstəqilliyini, konstitusiya quruluşunu və ərazi bütövlüyünü qoruyarkən sağlamlığını itirmiş insanların sosial müdafiəsi də Azərbaycan iqtidarı üçün Vətənimizin hərbi müdafiəsi qədər önəmli və vacibdir.
Hazırda ölkəmizdə Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş 13,5 min nəfərə əmək pensiyaları, sosial müavinətlər, Azərbaycan Respublikası Prezidentinin təqaüdləri verilir və bu məqsədlər üçün il ərzində 60 milyon manat məbləğində vəsait sərf olunur. Bundan əlavə, qeyd edilən şəxslərin, eləcə də şəhid ailələrinin mənzil və fərdi evlərlə, müharibə əlillərinin isə minik avtomobilləri ilə təmin edilməsi üzrə mühüm sosial proqramlar da icra edilir.
Di gəl, bu qəbildən olan insanların heç də hamısı dövlətin sosial siyasətindən tam şəkildə yararlana bilmirlər. Bürokratik əngəllərlə, süni maneələrlə, korrupsiya hüquqpozmaları ilə üzləşirlər.
Azərbaycan Respublikasının müdafiəsi zamanı hərbi travma almış igid Vətən oğullarından biri də Bakı şəhəri Nizami rayonu Naxçıvani küçəsi v 70 mənzil 56 ünvanda yaşayan Adıgözəlov Şakir Kamandar oğludur. Müdafiə Nazirliyinin Mərkəzi Hərbi Həkim Komissiyası tərəfindən onun "Sol sağrının kor qəlpə yaralanması" diaqnozu təsdiqlənmişdir. Səhiyyə Nazirliyinin Elmi-Tədqiqat travmatologiya və Ortopediya İnstitutu da ona eyni diaqnozu təsdiqləyən arayış verilmişdir. Bundan sonra Adıgözəlov əlillik dərəcəsi təyin edilməsi üçün Əmək və Əhalinin Sosial Müdafiəsi Nazirliyinin müvafiq şöbəsinə müraciət etmək qərarına gəlmişdir.
ƏƏSMN-nin Dövlət Tibbi-Sosial Ekspertiza və Reabilitasiya Xidmətində onun müraciətinə baxılmış və "forma 88" tələb olunmuşdur. Yazır ki, 26 saylı şəhər poliklinikasında ona "forma 88" deyilən sənədi vrməkdən imtina edilmişdir. Polilinika rəhbərliyi bu imtinanın nə dərəcədə qanuni olduğunu əsaslandırmaq üçün ortaya arqument qoymalıdır. Əlbəttə, əgər varsa!


OXŞAR XƏBƏRLƏR
Bank kartlarından pullar belə oğurlanır – Üç məqam
Bank kartlarından pullar belə oğurlanır – Üç məqam
Serj Sarkisyanın etirafı: Şuşa əməliyyatında Robert Köçəryan özü də iştirak edirdi
Serj Sarkisyanın etirafı: Şuşa əməliyyatında Robert Köçəryan özü də iştirak edirdi
Güclü külək Bakıda AĞACLARI AŞIRIB
Güclü külək Bakıda AĞACLARI AŞIRIB
İranda fövqəladə vəziyyət elan edildi - 40 ölü, 1205 yaralı... YENİLƏNİB.
İranda fövqəladə vəziyyət elan edildi - 40 ölü, 1205 yaralı...  YENİLƏNİB.
Bu gün Türkiyədə Milli Suverenlik və Uşaq Bayramıdır
Bu gün Türkiyədə Milli Suverenlik və Uşaq Bayramıdır
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
Xərçəng cavanlaşıb: Xəstəliyin ARTMA SƏBƏBLƏRİ
Xərçəng cavanlaşıb: Xəstəliyin ARTMA SƏBƏBLƏRİ
Hövsanda spirt sexində partlayış - ölən və xəsarət alan var - YENİLƏNİB
Hövsanda spirt sexində partlayış - ölən və xəsarət alan var - YENİLƏNİB