Abşeron rayonu, Saray qəsəbəsi, Cəlil Məmmədquluzadə küçəsindəki evində oğurluq hadisəsi baş verən “ARAZ” FM-in aparıcısı Aygün Akif Modern.az-a açıqlama verib.
Hazırda Ukraynada olduğunu bildirən Aygün Akif ailəsinin hadisədən dərin sarsıntı keçirdiyini bildirib:
“Reklam çəkilişləri üçün üç günlük Ukraynaya gəlmişəm. Görünür oğrular mənim evdə olmamağımdan istifadə ediblər. Baxıblar maşınım da yoxdur həyətdə, rahat şəkildə çirkin məqsədlərini həyata keçiriblər. Hadisə günün gündüz çağı baş verib.
Oğrular mənim otağım tərəfdən dəmir barmaqlıqları çıxarıb pəncərəni açıblar və çox rahat şəkildə evə daxil olublar”.
A.Akif bildirib ki, evdən təxminən 30 min dollarlıq pul və qızıl-zinət əşyaları aparıldığını deyib:
“30 min dollardan yuxarı ziyan dəyib. Oynanan külli miqdarda lotoreya pulları bizim evimizdə idi. Hər şeyi çox rahat şəkildə yığışdırıb aparıblar”.
Aparıcı hadisənin anası Kərimova Bahar Talıb qızı tərəfindən aşkarlandığını bildirib:
“Anam axşam təxminən 8 radələrində evə daxil olanda oğurluq baş verdiyini başa düşüb. 102-ə zəng edib, amma polis çox gec-4 saat sonra gəlib. Maraqlıdır ki, oğrular darvazadan rahat şəkildə çıxıblar”.
Bakıda evdən külli miqdarda qızıl və dollar apardılar
Bakıda 40 min avro, 10 min dollar və 10 min manat oğurlanıb - FOTO
15 min dollarlıq üzüyü 550 manata, 27 min dollarlıq saatı 2700 dollara satıb - BAKIDA CİNAYƏT
Bakıda mənzildən 20 min manatlıq qızıl-zinət əşyaları oğurlanıb
Dostunun atasının evindən küllü miqdarda oğurluq edən şəxsin cinayət işi
