Leyla Əliyevanın təsisçisi olduğu “Baku Cafe”nin açılış mərasimi keçirildi – FOTO

Leyla Əliyevanın təsisçisi olduğu “Baku Cafe”nin açılış mərasimi keçirildi – FOTO
Tədbirdə Azərbaycanın tanınmış simaları iştirak ediblər.
Noyabrın 14-də Bakıda yenilənmiş “Baku cafe”nin açılış mərasimi baş tutub.
"Korrupsiya və Qanun" saytı buro247.az-a istinadla xəbər verir ki, tədbirdə Azərbaycanın tanınmış simaları, mədəniyyət və incəsənət xadimləri, idmançılar, o cümlədən Arzu Əliyeva, Səməd Qurbanov, Fidan Muradova, Mila Əsgərova, Tahir İmanov, Murad Dadaşov, Elnur Məmmədli, Mütəllim Alışanov, Ramin Hacıyev, Rüstəm Hacıyev və başqaları iştirak ediblər.
Qeyd edək ki, “Baku Café”nin təsisçisi Heydər Əliyev Fondunun vitse-prezidenti, “Baku” jurnalının baş redaktoru, IDEA İctimai Birliyinin təsisçisi və rəhbəri Leyla Əliyevadır. Bura orqanik məhsullar və düzgün qidalanmağa üstünlük verənlər üçün nəzərdə tutulmuş unikal məkandır. Kafe Neftçilər prospekti, 153 ünvanında, “Port Baku” rezidensiyasında yerləşir.