Putin təyyarənin vurulmasına niyə susur?

Rusiya prezidenti Vladimir Putin Türkiyə tərəfindən vurulan “Su-24” tipli təyyarə ilə bağlı hələ ki, mövqe bildirməyib.
Bu barədə "Korrupsiya və Qanun" saytı “TASS-a istinadən xəbər verir.
Rusiya prezidentinin mətbuat katibi Dmitriy Peskovin sözlərinə görə, prezident olaya bu gün qiymət verə bilər.
“Mən Putinin kralla (İordaniya kralı II Abdulla) görüşü zamanı bəyənat verəcəyini deməmişəm”, - deyə Peskov qeyd edib.
O, fikrinin təhrif olunduğunu diqqətə çatdırıb: “Mən dedim ki, ehtimal ki, bu məsələ görüş zamanı qaldırıla bilər. Ola bilsin ki, prezident hadisəni qiymətləndirsin”.