Davudoğlu: “Ankaradakı hücumda 3 təşkilat potensial şübhəli hesab edilir”

Türkiyənin baş naziri Əhməd Davudoğlu 97 nəfərin öldüyü, 246 nəfərin yaralandığı terror aktının arxasındakı təşkilatların adlarını açıqlayıb.
"Korrupsiya və Qanun" qəzetinin aldığı məlumata görə Publika.az Türkiyə mediasına istinadən xəbər verir ki, baş nazir Xalq Qurtuluş Partiyası-Cəbhəsi (DHKP-C), PKK və İŞİD-in adını çəkib.
“Ankaradakı hücumda bu 3 təşkilat potensial şübhəli hesab edilir. İŞİD prioritet olaraq araşdırılır. Bundan başqa, PKK və DHKP-C-nin də bənzər planlarının olduğunu bilirik”, - Davudoğlu deyib.
Terror aktının iki kamikadze tərəfindən törədildiyini deyən Davudoğlu bombaların necə gətirildiyinin də müəyyənləşdirildiyini söyləyib. Baş nazir bombaları gətirənlərdən birini ələ keçirməyə yaxın olduqlarını dilə gətirib.