Velosipedlə yürüşə çıxıb karantin rejimini pozdular - FOTO

Ağdaşda velosipedlə yürüşə çıxıb karantin rejimi qaydalarını pozanlar saxlanılıb.
Bununla bağlı Daxili İşlər Nazirliyinin Mətbuat Xidmətinin Şəki regional qrupu məlumat yayıb.
Bildirilib ki, Ağdaş Rayon Polis Şöbəsinin əməkdaşları tərəfindən rayon ərazisində karantin rejimi qaydalarının təmin olunması məqsədilə xidmət aparılan zaman bir qrup gəncin şəhərdən Ləki kəndi istiqamətində velosipedlə yürüşə çıxdıqları müəyyən edilib.
Polis əməkdaşları tərəfindən həmin 17 nəfər saxlanılıb və yoxlanılan zaman heç bir icazələrinin olmadığı müəyyənləşib. Onlar polis şöbəsinə dəvət edilib və barələrində qanunamüvafiq tədbirlər görülüb.