Ermənistan silahlı qüvvələri yeni humanitar atəşkəs rejimini kobud şəkildə pozaraq oktyabrın 26-da Tərtər şəhərini və ətraf kəndləri “Smerç” yaylım atəşli reaktiv sistemindən atəşə tutub.
Bu barədə “Report” xəbər verib.
Bildirilib ki, düşmən tərəfindən atılan “Smerç” raketlərindən biri şəhərin mərkəzinə düşüb. Güclü partlayış dalğası zamanı “Azərxalça” ASC-nin Tərtər şəhər ərazisində yerləşən filialının inzibati binasına külli miqdarda ziyan dəyib.
Xoşbəxtlikdən həmin vaxt binada “Azərxalça”nın işçiləri olmayıb. Yalnız filialın nəzarətçisi Rövşən Kərimli olub. O bildirib ki, ötən gecə saat 8:00 radələrində düşmən tərəfindən atılan raket zamanı binanın qapı və pəncərələrinə, kompyuter sisteminə külli miqdarda ziyan dəyib.
Qeyd edək ki, Ermənistan silahlı qüvvələri yeni humanitar atəşkəs rejimini kobud şəkildə pozaraq oktyabrın 26-da Tərtər şəhəri və ətraf kəndlərə ümumilikdə 147 top mərmisi və dörd “Smerç” raketi atıb.
Tərtərdə dəfn zamanı düşmən qəbiristanlığa mərmi atıb, üç mülki şəxs ölüb, üçü yaralanıb
Ermənilərin Tərtəri yenidən atəşə tutması nəticəsində bir mülki şəxs yaralanıb
Düşmən Tərtər şəhərini artilleriya atəşinə tutur - CƏBHƏDƏN YENİ XƏBƏR
Düşmən Tərtəri atəşə tutur - RƏSMİ
Goranboy atəşə tutuldu, bir nəfər öldü - Baş Prokurorluq
