Bakıda 10 min manatlıq daşkəsən mişarları oğurlayan dörd nəfər saxlanılıb

Bakıda daş sexindən 10 min manatlıq daşkəsən mişarlar oğurlanıb.

Bu barədə Daxili İşlər Nazirliyinin Mətbuat Xidməti məlumat yayıb.

Qeyd olunub ki, aprelin 29-na keçən gecə Binəqədi rayonunun Rəsulzadə qəsəbəsi ərazisində yerləşən daş sexlərinin birindən 10 000 manat dəyərində daş kəsən mişarların oğurlanması barədə Binəqədi Rayonu Polis İdarəsinin 4-cü Polis Şöbəsinə məlumat daxil olub.

Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən Nəsimi Quliyev, Mehman Quliyev, Orxan Əzizov və Ramin İbrahimov müəyyən olunaraq saxlanılıblar.

Faktla bağlı araşdırma aparılır.