TƏBRİK EDİRİK!

Orta məktəbi bitirdikdən sonra təhsilini davam etdirmək istəyən gənclər arasında Azərbaycan Dövlət Pedaqoji Universitetinin nəzdində Azərbaycan Dövlət Pedaqoji Kollecini seçənlər çoxdur. Baxşəliyeva Lalə Ramil qızı da bu sayılıb-seçilən orta ixtisas təhsili müəssisəsinə üz tutub. Kollecə qəbul olması münasibətilə valideynləri, müəllimləri, digər qohumları, rəfiqələri onu ürəkdən təbrik edib, tədrisdə böyük uğurlar arzulayıblar.
Hərçənd, Lalə qızımız ali təhsil almaq niyyətindədir və kollecdə oxuya-oxuya ali məktəbə hazırlaşmaq əzmindədir. Fikirləşir ki, orta ixtisas proqramını əla mənimsəsə, ali ixtisasa hazırlaşmaq da onun üçün asan olar.
Lalə xanımı biz də təbrik edir, “Allah səni arzuna yetirsin” deyirik. Ümid edirik ki, Lalə ölkəmizdəki müəllim bolluğu şəraitində əslində çox güclü ehtiyac duyulan pedaqoji işin, təhsilin inkişafına öz töhfəsini verəcək, yetişməkdə olan nəslin savada, elmi biliklərin əsaslarına yiyələnməsinə böyük xidmətlər göstərəcəkdir.