Daxili İşlər Nazirliyində 2025-ci ilin birinci yarımilinə dair əməliyyat-xidməti fəaliyyətin yekunları və qarşıda duran vəzifələrə həsr olunmuş Kollegiya iclasında müzakirə olunan əsas məsələlərdən biri də əvvəlki illərdən bağlı qalmış cinayətlərin açılması istiqamətində görülən işlər olub.
DİN-in Mətbuat Xidmətindən verilən məlumata görə müşavirədə Baş Prokurorluq və Daxili İşlər Nazirliyi tərəfindən yaradılmış birgə işçi qrupun fəaliyyəti xüsusi vurğulanıb.
Daxili işlər naziri general-polkovnik Vilayət Eyvazov bildirib ki, prokurorluq və polis əməkdaşlarından ibarət bu qrupun həyata keçirdiyi istintaq və əməliyyat-axtarış tədbirləri konkret nəticələr verib, cinayətlərin, xüsusilə ağır və xüsusilə ağır kateqoriyadan olanların açılması sahəsində əhəmiyyətli irəliləyişlər əldə olunub.
Qeyd olunub ki, bu fəaliyyət nəticə etibarilə qanunçuluğun möhkəmləndirilməsinə, vətəndaşların hüquq və mənafelərinin qorunmasına, eyni zamanda cinayətkarlıqla mübarizənin səmərəliliyinin artırılmasına mühüm töhfə verib.
Bu istiqamətdə görülən işlər hüquq-mühafizə orqanları arasında effektiv koordinasiya və qarşılıqlı fəaliyyətin mühüm nümunəsi kimi qiymətləndirilib.
Son altı ayda 14 251 cinayət qeydə alınıb - Azərbaycanda
"Azərbaycanda 1852 nəfər tutuldu" - Vilayət Eyvazov
“Azərbaycanda zorlamaların sayı azalıb”
Ötən il Azərbaycanda qeydə alınan cinayətlərin sayı açıqlanıb
VİLAYƏT EYVAZOV POLİSLƏRİ TOPLADI – İLK DƏFƏ
