Saatlı rayonunda 2024-cü il ərzində sosial müdafiənin bəzi göstəriciləri haqqında

2025-ci il yanvarın 1-nə pensiyaçıların sayı 9744 nəfər və ya əvvəlki ilə nisbətən 0,1 faiz çox olmuşdur. Pensiyaçıların əsas hissəsi, yəni 6263 nəfəri (64,3 faiz) yaşa görə pensiya alanlardır və bu da əvvəlki illə müqayisədə 0,1 faiz çox olmuşdur. Əlilliyə görə pensiya alanların sayı 2659 nəfər və ya 27,3 faiz təşkil edərək, 1,4 faiz azalmışdır. Pensiya alanların 822 nəfəri ailə başçısını itirməsinə görə pensiya alanlardır ki, bu da ümumi pensiyaçıların 8,4 faizini təşkil edir. 2023-cü illə müqayisədə ailə başçısını itirməyə görə pensiya alanlar 5,8 faiz artmışdır. 2024-сü ildə təyin olunmuş aylıq pensiyanın orta məbləği 387,02 manat və ya əvvəlki illə müqayisədə 13,3 faiz çox olmuşdur.