2026-cı il üçün Azərbaycanda iqtisadi proqnozlar beynəlxalq qurumlar tərəfindən diqqətlə izlənir.
Hazırki hesabatlarda ölkədə iqtisadi artımın müsbət olacağı və inflyasiyanın tədricən aşağı düşəcəyi bildirilib ki, bu da makroiqtisadi sabitliyin qorunduğunu göstərir.
Bu proqnozlar həm dövlət siyasətinin nəticələrini, həm də qlobal iqtisadi trendləri nəzərə alaraq hazırlanıb.
Lakin sual yaranır: bu qiymətləndirmələr real iqtisadi şəraitlə tam uyğun gəlir, yoxsa daha çox optimist ssenariyə əsaslanır?
Mövzu ilə bağlı açıqlama verən iqtisadçı-ekspert Xalid Kərimli bildirib ki, beynəlxalq təşkilatların verdiyi iqtisadi proqnozlar ümumiyyətlə real iqtisadi şəraitlə uyğundur və hökumətin proqnozları ilə də uyğunluq təşkil edir:
"Hətta bəzi hallarda beynəlxalq təşkilatların proqnozları daha ehtiyatlı və konservativ olur, yəni onlar iqtisadi göstəricilərin ən pis ssenarilərini də nəzərə alırlar. Hökumət isə daha optimist yanaşır və iqtisadi artımın bu proqnozlardan daha yaxşı olacağını gözləyir".
Xalid Kərimli: Təqdim olunan proqnozlar kifayət qədər realdır və iqtisadi vəziyyəti düzgün əks etdirir
Onun sözlərinə görə, təqdim olunan proqnozlar kifayət qədər realdır və iqtisadi vəziyyəti düzgün əks etdirir.
"Məsələn, inflyasiya ilə bağlı, hökumət beynəlxalq təşkilatlarla müqayisədə daha aşağı düşəcəyini gözləməsə də, qiymət artımının müəyyən səviyyədə sabit qalacağını proqnozlaşdırır. Eyni zamanda, hökumət iqtisadi artımın daha yüksək olacağını nəzərdə tutur və 2025-ci ilə qədər olan dövrdə iqtisadiyyatın inkişafının planlaşdırıldığı kimi davam edəcəyini düşünür",- ekspert fikrini yekunlaşdırıb.
Dövlət pandemiya ilə bağlı pul verəcək - Yeni iqtisadi paket hazırlanır
Manat möhkəmlənir, ancaq banklar manatla kredit vermir
Qis fesli sert kececek? – Proqnozlar Burosu
Azərbaycanda iqtisadi fəallıq bərpa olunur: Nazir açıqladı
İqtisadi fəal, məşğul, işsiz əhali
