Azərbaycan İdeyası

MƏHKƏMƏ-HÜQUQ ŞURASINDAN NƏ İSTƏYİRİK

Tarix:17-12-2018, 14:30
Baxış Sayı:558

Qəzetimizin 21.09.2018-ci il tarixli sayında dərc edilmiş məqalələrlə əlaqədar Məhkəmə-Hüquq Şurasına göndərdiyimiz məktublara "baxılmışdır". Şuranın aparatından redaksiyamıza göndərilən 02.11.2018-ci il tarixli cavab məktubunda bildirilir: "...Qanunvericilikdə Məhkəmə-Hüquq Şurasının məhkəmə qərarlarının qanuniliyini və əsaslılığını yoxlamaq səlahiyyəti nəzərdə tutulmamışdır. Məhkəmə qərarlarından narazılıqla bağlı şikayətlər prosessual qanunvericiliyin tələblərinə uyğun olaraq yuxarı məhkəməyə, məhkəmənin icraatında olan iş üzrə müvafiq dəlillər və vəsatətlər isə işə baxan məhkəməyə təqdim edilməlidir".
Cavab məktubunun müəllifi, hansı məqalələrdən söz getdiyini məktubunda xatırlatmağa belə ehtiyac duymayan MHŞ-nın sektor müdiri Zahid Məmmədov bəlkə də hesab edir ki, bizə hüquq dərsi keçməyə haqqı var. Amma xatırladırıq ki, tərəqqipərvər kütləvi informasiya vasitəsi olan "Korrupsiya və qanun" ictimai-siyasi hüquq qəzeti Məhkəmə-Hüquq Şurasına yazdığı məktublarda heç vaxt Şuradan məhkəmə qərarlarının qanuniliyini və əsaslılığını yoxlamağı istəməmişdir. Əksinə, qəzetimiz MHŞ-nın iclaslarında ədalət mühakiməsinin səmərəliliyinin artırılması və işin keyfiyyətinin yüksəldilməsi, hakimlərin fəaliyyətinin qiymətləndirilməsi və məsuliyyət hissinin artırılması, korrupsiya, süründürməçilik və digər neqativ halların aradan qaldırılması, habelə hakimliyə namizədlərin seçimi ilə bağlı bir çox məsələlərə baxılaraq qəbul edilən qərarları təqdir etmiş, bu müstəvidə görülən işlərə gərəkən informasiya dəstəyi verməyə hər zaman hazır olduğunu bildirmişdir. Yazmışıq ki, hər il vətəndaşların haqlı narazılığını doğuran pozuntulara, korrupsiyaya şərait yaradan və digər neqativ hallara yol verən hakimlərin fəaliyyəti qeyri-məqbul qiymətləndirilməklə səlahiyyətlərinə xitam verilməsinə, bəzilərinin intizam məsuliyyətinə cəlb olunmasına, yaxud da tutduğu vəzifədən azad olunması barədə qərar qəbul edilməsinə müsbət yanaşırıq. Bu kimi tədbirlərin görüldüyü barədə vaxtaşırı olaraq məhz MHŞ-nın saytında məlumatlar yayılır. Lakin çox təəssüflər olsun ki, bütün bu tədbirlərə baxmayaraq, məhkəmələrdə ədalətsizliklərə, süründürməçilik hallarına hələ də rast gəlinir. Hüquqları pozulan vətəndaşlar çarəsiz qalıb üzləşdikləri haqsızlıqları KİV vasitəsilə ictimailəşdirmək yolunu seçirlər. Elə bizim də istəyimiz odur ki, məqalələrimizdə göstərdiyimiz neqativ hallara - vətəndaşların haqlı narazılığını doğuran pozuntulara, korrupsiyaya şərait yaradan hakimlərin fəaliyyəti qeyri-məqbul qiymətləndirilsin, səlahiyyətlərinə xitam verilsin, intizam məsuliyyətinə cəlb olunsunlar, tutduqları vəzifədən azad olunmaları barədə qərarlar qəbul edilsin. Başqa heç nə.

Korrupsiya və Qanun

OXŞAR XƏBƏRLƏR
Arxiv xidməti “yuxulayan rejim”də işləyir
Arxiv xidməti “yuxulayan rejim”də işləyir
Bakıda yeni hava limanı tikilir - Bu ünvanda
Bakıda yeni hava limanı tikilir - Bu ünvanda
Şəmkirdə TƏLƏBƏ MEŞƏDƏ özünü asdı
Şəmkirdə TƏLƏBƏ MEŞƏDƏ özünü asdı
Övladı birinci sinfə gedəcək valideynlərin NƏZƏRİNƏ - Seçim prosesinin vaxtı dəyişdirildi
Övladı birinci sinfə gedəcək valideynlərin NƏZƏRİNƏ - Seçim prosesinin vaxtı dəyişdirildi
Azərbaycanda bu dərmanlar pulsuz veriləcək - RƏSMİ
Azərbaycanda bu dərmanlar pulsuz veriləcək - RƏSMİ
Sabah leysan yağacaq, güclü külək əsəcək-03.05.2025.
Sabah leysan yağacaq, güclü külək əsəcək-03.05.2025.
“RR Construction” MMC evini sökdüyü vətəndaşları aldadıb
“RR Construction” MMC evini sökdüyü vətəndaşları aldadıb
İctimai nəqliyyatda yaşlılarla cavanlar arasında “yer davası”: Hər iki tərəfin bir sualı var: “Niyə?”
İctimai nəqliyyatda yaşlılarla cavanlar  arasında “yer davası”: Hər iki tərəfin bir sualı var: “Niyə?”