Milli Tеlеviziya və Radiо Şurasının (MTRŞ) “Spes” televiziyası barədə tərtib etdiyi protokol məhkəmənin icraatına götürülüb.
ONN media xəbər verir ki, Yasamal Rayon Məhkəməsində keçiriləcək iclas aprelin 24-nə təyin edilib.
Hakim Günel Əkbərlinin sədrliyi ilə protokolla araşdırılacaq.
MTRŞ İnzibati Xətalar Məcəlləsin 384.0.1-ci (televiziya və radio yayımı haqqında qanunvericiliyin pozulması, yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün müəyyən edilmiş xüsusi qaydaların pozulmasına) maddəsi ilə protokol tərtib edib.
Qeyd edək ki, MTRŞ-nın məlumatına əsasən, Speys TV-də “Hər səhər” verilişində müğənni Rüfət Axundov mahnı oxuyarkən dəfələrlə qeyri-etik ifadələrdən istifadə edib. Kanalın efirində getmiş ədəbsiz söz və ifadələr Şura tərəfindən aparılan monitorinqlər zamanı aşkar olunub. MTRŞ aprelin 5-də kanal rəhbərliyinin iştirakı ilə İnzibati Xətalar Məcəlləsinə uyğun olaraq, 5-8 min manat cərimə olunmasına dair protokol tərtib edib. Həmçinin televiziya və radio rəhbərlərinə şifahi xəbərdarlıq edilərək ki, R.Axundovun efirə çıxmasına məhdudiyyət qoyulub.Report
RƏŞAD İLYASOV AZTV-YƏ BURAXILACAQMI? – QƏRAR VERİLDİ
ANS Ali Məhkəməyə müraciət edib
Aybəniz Haşımova "Space" kanalındakı söyüşdən yazdı: "Neçə ilərdir ki..."
MTRŞ “Maşın”ı tənqid etdi - “Tamaşaçılara hörmətsizlikdir...”
Ali Məhkəmənin ANS-in şikayətinə baxacağı tarix məlum oldu
