Azərbaycan İdeyası

Prezident təqaüdçüsü: Gözlədiyim nəticəni əldə etmişəm

Tarix:24-09-2019, 16:15
Baxış Sayı:122


Sevinirəm ki, qəbul imtahanlarına ciddi hazırlaşmağım və çəkdiyim əziyyət yerdə qalmadı.
Bunu Oxu.Az-a açıqlamasında 665.6 bal toplayan Prezident təqaüdçüsü Elnur Babayev bildirib.
Elnur Babayev 2002-ci il mayın 26-da Gədəbəy rayonu Göyəlli kəndində anadan olub. O, bu il Suraxanı rayonunda yerləşən 316 nömrəli məktəbi bitirib.
Prezident təqaüdçüsünün sözlərinə görə, qəbul imtahanlarında 665.6 bal toplayaraq İqtisad Universitetinin Beynəlxalq İqtisadiyyat Məktəbi fakültəsinin Maliyyə ixtisasına daxil olub:
“İki il müddətində repetitor vasitəsilə imtahanlara hazırlaşmışam. Dərslərimi planlı və ciddi oxumuşam. Aşağı siniflərdən keçilən bütün fənlərə diqqətlə yanaşıb, dərslərimi yaxşı öyrənməyə çalışmışam.
Mənə lazım olan biliyi dərindən mənimsəyərək yadda saxlamışam. Təbii ki, dincəlmişəm də. Nəticədə, gözlədiyim nəticəni əldə etmişəm. Sonda əziyyətimin bəhrəsini gördüm. Bu, tək mənim yox, həm məktəb rəhbərliyinin, müəllimlərimin, həm də hər zaman mənə dəstəyini göstərən valideynlərimin uğurudur”.
Elnur Babayev deyir ki, Prezident təqaüdçüsü olmağı gözləyirmiş:
“Nəticələr açıqlananda Prezident təqaüdünə layiq görülən tələbənin siyahısında adımı görəndə nə qədər sevindiyimi sözlə ifadə etmək mənim üçün çox çətindir. Sevincimin həddi-hüdudu yox idi. Çünki həm özüm sevinmişdim, həm də məni sevənləri sevindirmişdim.
Qəbul imtahanına hazırlaşan abituriyentlər dərslərini yaxşı oxumalıdır, təkrarlara kifayət qədər vaxt ayırsalar, hər şey yaxşı olacaq. Çəkilən əziyyət hər zaman qiymətləndirilir. Əsas odur ki, qarşıya qoyulan hədəf olsun”.
Qeyd edək ki, Prezident İlham Əliyev 2019/2020-ci tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında sərəncam imzalayıb.
Sərəncama əsasən, 2019/2020-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali məktəblərinə daxil olmuş tələbələrə Prezident təqaüdü verilir.

OXŞAR XƏBƏRLƏR
Xankəndidə ilk dəfə qəbul imtahanı keçiriləcək - DİM
Xankəndidə ilk dəfə qəbul imtahanı keçiriləcək - DİM
“Aztelekom” yenidən təşkil edilib
“Aztelekom” yenidən təşkil edilib
Yağış yağacaq, şimşək çaxacaq - SABAHIN HAVASI
Yağış yağacaq, şimşək çaxacaq - SABAHIN HAVASI
40 gündür axtarılan Aytacın meyiti tapıldı
40 gündür axtarılan Aytacın meyiti tapıldı
İlham Əliyev PKK-nın özünü ləğv etməsinə görə Ərdoğanı TƏBRİK ETDİ - FOTO
İlham Əliyev PKK-nın özünü ləğv etməsinə görə Ərdoğanı TƏBRİK ETDİ - FOTO
PKK-nın başqa şansı qalmamışdı: heç bir şərt, güzəşt ola bilməz, ancaq...
PKK-nın başqa şansı qalmamışdı: heç bir şərt, güzəşt ola bilməz, ancaq...
2025-ci ilin yanvar-mart aylarında Goranboy rayonunda Əmtəə bazarının göstəriciləri
2025-ci ilin yanvar-mart aylarında Goranboy rayonunda Əmtəə bazarının göstəriciləri
PKK özünü ləğv etdi
PKK özünü ləğv etdi