Bu dəyirmanda hazırlanan un bir çox xəstəliklərin dərmanıdır - FOTO

Goranboyda qədim su dəyirmanına maraq çoxdur. İllər öncə rayonun Şadlı kəndində nə az, nə çox 6 su dəyirmanı olub. Hazırda isə onlardan biri işlək vəziyyətdədir. Dövrünün saylıb seçilənlərindən Şadlı İsgəndərə məxsus olan qurğunu indi onun nəvələri işlədir.
Yeniavaz.com xəbər verir ki, Kürək çaydan ayrılan suyun işə saldığı dəyirman 50 kiloqram buğdanı 1 saata üyüdür. Heç bir elektrik enerjisi sərf edilmdən çalışan su dəyirmanı elə qədimdə olduğu kimi işləyir.
Dəyirmançı Tağı Tağıyev deyir ki, Şadlı kəndi Goranboyun mərkəzindən 35 kilometr uzaqlıqda yerləşsə də, kənddə fəaliyyət göstərən su dəyirmanına maraq böyükdür. Göygöl rayonundan Şadlı kəndinə gələn sakinlər bu dəyirmanda üyüdülən unun keyfiyyətli, bişirilən çörəyin isə xüsusi qoxuya malik olduğunu deyirlər.
Buradan üydülən buğdadan alınan un bir sıra xəstəlikərin də dərmanı hesab edilir. Elə buna görə də Goranboyun Şadlı kəndində bir çox bölgələrdən, hətta xarici ölkələrdən də gələnlər olur. Şadlı İsgəndərin nəvələri isə dəyirmanı qazanc mənbəyi yox, abidə kimi qoruyub saxlamağı vacib hesab edirlər.